ياسمين صبري: كنت مرزقة والفلوس جات لي بسهولة

تحدثت الفنانة ياسمين صبري عن رؤيتها للحياة والسعادة، مؤكدة على أهمية الاستمتاع بالحياة الدنيا وأشارت إلى أن الثروة يمكن أن تكون مصدر سعادة إذا جاءت بطرق نقية وبدون جشع.

ياسمين صبري والرزق

وأكدت ياسمين صبري في حوارها الأخير مع الإعلامي عمرو أديب في برنامج "بيج تايم بودكاست" على قناة "إم بي سي"، أنها كونت نفسها بأقل مجهود وأن الرزق جاءها بسهولة.

وقالت ياسمين: "ومن قال إن الإنسان القريب من ربنا والطاهر والكويس اللي ما بيأذيش حد يعيش زاهد في الحياة ويقول كله هاخده في الجنة، لأ دي هي جنتين، ذكر عن الرسول صلى الله عليه وسلم، أنه قال خدوا الجنتين جنة الأرض وجنة الآخرة".

وعن سعيها لكسب المال خلال بدايتها، قالت ياسمين صبري: "اتخرجت من الجامعة مامتي قالت لي إنتي هتنزلي تشتغلي وتصرفي على نفسك زي نظام الأجانب بالضبط كنت بشتغل وأنا عندي 17 سنة، اشتغلت في مكتبة إسكندرية علاقات عامة، كنت بصرف على نفسي اشتريت عربية وكل حاجة وده اللي خلى شخصيتي كده وجاب نتيجة كويسة".

وتابعت قائلة عن رزقها من الحياة في المال: "الفلوس حلوة وجميلة لما تيجي بسلاسة من غير جري الوحوش من غير ما تبقى هوس وهدف لأن لو بقت هدف وما جتش هيبقى الإنسان محطماً وكدا غلط، هي تيجي تمتعني وأجمل وأنقى الطرق".

وكشفت ياسمين صبري خلال الحوار أن من خلال تجربتها الشخصية أن المال جاء لها بسهولة شديدة وبأقل مجهود بذلته، فقالت: "وده نوع من أنواع الرزق، وعملت نفسي بنفسي، وسعيك إنك ما متموتش نفسك، ودا مش معناه إن الإنسان ما يبقاش محترف وما يحترمش نفسه، ولكن المجهود يكون بسيطاً مش مميت ورزقك كبيراً".

تربية ياسمين صبري

كما تطرقت ياسمين صبري إلى طريقة تربية أسرتها لها، فقالت إنها جاءت من أسرة متوسطة وتولت جدتها تربيتها، مشيرة إلى أنها تعلمت في المدارس الحكومية، وبعد ذلك الأمر تتطور إلى مدرسة أفضل مع تطور مستوى دخل والدتها.

وتابعت قائلة: "وكنت بنت زي أي بنت مصرية ولا عندي واسطة ولا أي حاجة، وتخرجت من الجامعة أمي قالت لي أنتِ هتصرفي على نفسك وتشتغلي واشتغلت أول وظيفة حقيقية كانت في مكتبة الإسكندرية علاقات عامة".

واستكملت ياسمين صبري قائلة: "وحاولت أتثبت في المكتبة قالوا لي لأ مفيش مكان فاضطريت أسيب المكتبة لأني عايزة دخل ويبقى عندي عربية كحماية وكنت بنت لازم آخد بالي من نفسي في الشارع بدل من ركوب التاكسي وبعد كده اشتغلت وظيفة تانية في الاتصالات وكان عندي مرتب قدرت منه أجيب عربية بالقسط من خلال البنك وكنت مرزقة".

أول إعلان الياسمين صبري

وكشفت ياسمين صبري أن تركها بعد ذلك لوظيفة شركة الاتصالات من أحسن القرارات التي حدثت في حياتها، وقالت: "بعد سنة ونصف من شغلي الاتصالات مشوني ودي كانت أحسن حاجة حصلت لي بالرغم من الصدمة، وحاربت وحاولت بس قالوا لي آسفين وتوكلت على الله".

وأضافت قائلة: "قلت عايزة أبقى مذيعة وأشوف لي حلماً جديداً وأنا ما عنديش أي واسطة في الميديا وأشوف الممثلين في التليفزيون كأنهم شيء بعيد جدًّا ومفيش أي صلة، جيت أقدم في مسابقة جمال مصر فاتلغت وبعد كدا قالوا لي أدخلي مجال الإعلانات".

وتابعت ياسمين صبري: "عملت أول إعلان لشركة سيارات وبنيت حيطان كتير حواليَّ وبعد لما أخلص الإعلان ما أكلمش حد قالوا مغرورة أو انطوائية بس دا كان تحفظ وخطوط ماحدش يتعداها معايا ولا عايزة أعرف حد ولا حد يعرفني، وبعد كده اتطلبت في إعلانات تانية لحد لما بقيت أغلى فتاة إعلانات في مصر خلال شهور لأني كنت أعمل إعلانات معينة بعيدًا عن إعلان الصابون وما شابه".