نجل عمرو أديب يسخر من "صلعة" والده.. والأخير يتوعده بخسارة نصف الهدية

تداول نشطاء مواقع التواصل الاجتماعي، مقطع فيديو لخالد نجل الإعلامي عمرو أديب وهو يسخر من "صلعة" والده.

وظهر خالد عمرو أديب الذي احتفل بزفافه أمس الجمعة، في مقطع الفيديو المتداول، وهو يقدم والده لكي يقول كلمة وقال: "الرجل اللي طمني إن كل حاجة أنا عمري هحتاجها هتبقى موجودة، وفي نفس الوقت، الرجل اللي رعبني طول عمري إن شعري هيقع، وموقعش، سيداتي آنساتي .. أستاذ عمرو أديب".

وبعدها ظهر الإعلامي الشهير من وسط الحضور، ورد على تعليق نجله قائلا: "طبعا بداية غير جيدة وغير موفقة، إنه يتكلم عن شعري، هو كده خسر نص الهدية ونص شهر العسل، ونص كل حاجة".

وأضاف الإعلامي الشهير: "عايز أقول لكم على حاجة مهمة، لو في ميزة في كل رجالة وأبناء عيلة أديب، إنها ناس طيبة جدا، يعني كلنا بشكل أو بآخر ممكن يبقى فينا عيوب الدنيا، لكن هتلاقي البذرة اللي جوانا ناس طيبة وأميرة".

وتابع: "عشان كده أنا انهاردة بهدي ابني وهو أحد الطيبين في عيلة أديب، وشخص أمير جدا لمراته، فرح، وأقول لها حافظي على الطيبة دي، واستغليها لأنها أساس استكمال الحياة، احنا بقينا في عصر قليل فيه أوي الطيبين، لذلك أنا فخور جدا إني بنتمي للعيلة دي"

وقال عمرو أديب: أشكر حضراتكم جدا على حضوركم، كان نفسي أعيط بس مش جاي معايا عياط، إنما هسيب لكم أنتم العياط، وبشكر لكل حد جالنا في الظروف دي، وبقول له أنا بحبك يا ابني جدا جدا جدا جدا، وبحب فرح جدا جدا جدا، ونفسي يعملوا كل الحاجات اللي مقدرناش نعملها، طبعا محدش يقدر يعمل الحاجات اللي عملناها، أنا بشكركم وسعيد بكم، اليوم بشوف أهلي اللي بقالي كتير ماشوفتهمش.

 

 

 

 

View this post on Instagram

 

 

 

 

 

 

 

 

 

 

 

A post shared by FilFan.com (@filfan)

كلمة عماد أديب

ومن بين الأشخاص الذين حرصوا على توجيه كلمة للعروسين الإعلامي الشهير عماد أديب والأخ الأكبر لعمرو أديب.

وقال عماد أديب في كلمته: "أولا مبروك لخالد وفرح، خالد كان أول ولد في الأخوات التلاتة والعيلة، وكانت فرحته كبيرة جدا عندنا، أنا هقولكم حاجة لك، وحاجة ليكم أنتم الاثنين، بالنسبة لك أنت، لازم لازم تعمل تمثالاً لأمك ولأبوك، لأنهم يستاهلوا، أنا عشت معهم وعارف التجربة".

 

 

 

 

View this post on Instagram

 

 

 

 

 

 

 

 

 

 

 

A post shared by FilFan.com (@filfan)

وأضاف الإعلامي الشهير: "تاني نصيحة لكم، سأقولها بالإنجليزي لأنها ماتنفعش باللغة العربية، في العلاقات الإنسانية سواء صداقة أو زواج، هناك أشخاص Lovealbe (محبوب) لكن للأسف مش Livable (صالحين للعيش معهم)، وهناك العكس، وأسوأ احتمال أن يقع شخص في آخر ولا Loveable أو Livable، أتمنى لكم أن تكونوا محبوبين وصالحان للعيش معا.