حسام حبيب: لو مشوفتش شيرين عبد الوهاب أتقهر

فاجأ الفنان حسام حبيب جمهوره حول تصريحاته حول علاقته بزوجته السابقة شيرين عبد الوهاب، كما كشف لأول مرة عن أسرار عن حياتهم الشخصية.

حسام حبيب وشيرين عبد الوهاب

وأكد حسام حبيب خلال حواره مع الإعلامية منى عبد الوهاب، في برنامج "ع المسرح" على شاشة قناة الأولي، أن علاقته مع زوجته السابقة شيرين عبد الوهاب ما زالت مستمرة.

وعن رغبته في الرجوع إليها مرة أخرى، قال حسام حبيب: "أنا لم أمش علشان أرجع لها، مش مهم اسم العلاقة ايه، فرقت إيه أمال إحنا في حياة بعض ودا المهم".

وحول تصريحات شيرين عبد الوهاب بعد انفصالهم الأول مع عمرو أديب وإهانته له بمطالبة جمهورها أن "يبول" على وجهه، أكد حسام حبيب أن زوجته السابقة تحب المزاح وأخذ مقولات من الأفلام القديمة.

وتابع قائلاً: "أنتوا عارفين شيرين بتهزر معايا ازاي؟ جملة تبول على وجهه دا كان أفيه بتاع الفنان عادل إمام، هي كانت بتهزر في وقت مينفعش فيه الهزار، هي دي شيرين ممكن في وسط الخناق وتنكت".

حب حسام حبيب لشيرين عبد الوهاب

لتعلق الإعلامية منى عبد الوهاب قائلة: "هو في حد ممكن يحب حد للدرجة دي ويقبل منها كل ده؟، ليرد حسام حبيب قائلا: "آه أنا بحبها، أنا مش مقبل اللي هي بتعمله أنا بعاتبها وبتخانق معاها ولكن بيني وبينها، وفي الآخر مقدرش على زعلها".

وحول الاتهامات التي وجهت له أنه قام بالاعتداء بالضرب على زوجته السابقة شيرين عبدالوهاب: "يعني إيه مديت أيدي عليها، من وقت موضوع حلاقتها لشعرها أنا بقيت بخاف، فبقيت أمسكها بشدة خلال غضبها، وبيكون وقتها مقاومة وبعد شوية بتهدي ومفيش حاجة".

وتابع قائلا: "أنا واحد من الناس لما بزعل منها ممكن أقول لها خلاص مش هتشوفيني تاني، بس لو مشوفتهاش تاني أو سبتني ومشيت أنا اتقهر، ولكن هي واحدة من الناس اللي بتقول اللي جواها بجد، أنا كنت فاكر في الأول أنها كانت بتدلع عليا".

وأضاف حسام حبيب: "كنت متسمك بشيرين زيادة أوي، زي الابن اللي متعلق بأمه، مش علاقة زوج بمرآته، وبكيت كثير بسبب علاقتنا، واكتشفت أن الكرامة بتكون مع الغرب".