رغم الانفصال.. تامر حسني منتج أول أغاني بسمة بوسيل

كشفت المطربة بسمة بوسيل عبر حسابها الرسمي على موقع إنستغرام عن طرح أول أغانيها "البدايات" على منصات الموسيقى المختلفة ومنصة الفيديوهات الشهيرة يوتيوب.

أغنية بسمة بوسيل الجديدة

وكشفت بسمة بوسيل أن أغنيتها الجديدة من إنتاج زوجها السابق تامر حسني ومن كلمات أيمن بهجت قمر وألحان محمد يحيى وتوزيع ومكس فهد، ومستر مصطفى رؤوف.

وعلقت قائلة: "البدايات أجمل بص حواليك وأسأل.. اسمعوا أغنيتي الجديدة البدايات دلوقتي على يوتيوب وجميع منصات الاستماع.. إن شاء الله تعجكم.. مستنية رأيكم".

وأضافت قائلة: "على فكرة الأغنية دي بتاعت تيمو، ولما قلت له إن أنا عايزة أعمل أغاني بتاعتي، على طول شجعني، وقالي طب أول أغنية ليكي أنا هعملهالك، وطلبت منه دي عشان كنت بحبها أوي، ومترددش لحظة إنه يديهالي".

 

 

 

 

View this post on Instagram

 

 

 

 

 

 

 

 

 

 

 

A post shared by Bassma Boussil (@bassmaboussel)

كلمات أغنية البدايات للفنانة بسمة بوسيل

وجاءت كلمات أغنية بسمة بوسيل الجديدة "البدايات" كالآتي:

"البدايات أجمل بص حواليك واسأل كل حاجة حلوة في أولها ياريت حلاوتها بتكمل حتى الوردة بتدبل وبنسكت وبنقبل والسنين بتحط مسافة كل مدى بتطول.. البدايات أجمل بص حواليك واسأل.. كل حاجة حلوة في أولها ياريت حلاوتها بتكمل.. حتى الوردة بتدبل وبنسكت وبنقبل.. والسنين بتحط مسافة كل مدى بتطول.. وحالتنا مش جديدة نهايتنا مش بعيدة".

كما جاء في الأغنية: "بنخون وعودنا ومش بإيدنا كل اللي بنعمله.. وتملي معرفش ليه كل اللي بنموت عليه.. نفضل نحاوطه وندوق حلاوته وشوية ونهمله.. وحالتنا مش جديدة نهايتنا مش بعيدة.. بنخون وعودنا ومش بإيدنا كل اللي بنعمله.. وتملي معرفش ليه كل اللي بنموت عليه..نفضل نحاوطه وندوق حلاوته وشوية ونهمله".

تهنئة تامر حسني

وحرص الفنان تامر حسني زوجها السابق على تهنئتها على الأغنية الجديدة فكتب معلقا على منشورها قائلا: "الدنيا كلها متغلاش عليكي يا بسووووم ألف مليون مبروك وغنيتيها غُنا عظيم بجد أيوه أنا المدرب والمنتج".

وتابع قائلا: "بس إحساسك هو الموضوع كله… كل سنة وإنتي طيبة ويا رب من اليوم ده كل أيامك في نجاح وفرح وانتصارات شكراً لصناع الأغنية المؤلف الكبير أيمن بهجت قمر والملحن الكبير محمد يحيى والموزع الكبير فهد ومهندس الصوت الكبير مصطفى رؤوف".

تهنئة النجوم

كما علقت الفنانة كارمن سليمان قائلة: "ألف مبروك يا حبيبتي صوتك قمر والأغنية جميلة ألف مبروك لكل صناع العمل ويا رب تحققي كل اللي نفسك فيه يا رب"، وكتب الفنان أحمد زاهر قائلا: "مبروك يا بسومه تحفة الأغنية".

وأضافت الفنانة هنا الزاهد قائلة: "من أكثر الأصوات اللي بحب أسمعها مش مجاملة مبروك يا بسمة.. فخورة بيكي".