حمو بيكا يرد على منتقدي سبوع ابنته: متولدتش في بقي معلقة دهب (فيديو)

رد حمو بيكا مؤدي المهرجانات على الجدل الذي أثير خلال الأيام الماضية على مواقع التواصل الاجتماعي عن تكلفة سبوع ابنته "تاج"، وحديث البعض أن التكلفة وصلت لـ 10 ملايين دولار.

 ونشر مؤدي المهرجانات حمو بيكا مقطع بث مباشر على صفحته الشخصية على وقع الفيسبوك تحت عنوان "دعوا الملك للمالك"، وقال"بيكا": "سيبوا الملك للمالك، والكلمتين دول للقريب قبل الغريب، أنا طالع من منطقة شعبية اسمها الدخيلة من أسرة متكونة من أربع أخوات والأب والأم وكنا قاعدين في أوضة وصالة والحمام جوه المطبخ".

وحكى مؤدي المهرجانات عن الظروف الصعبة التي عاشها وقال: "أبويا على باب الله بيسافر ويتغرب ويشقى علشان اللقمة اللي بناكلها بالحلال وأنا ما دخلتش مدرسة وما اتعلمتش لكن اشتغلت وشقيت واتغربت كتير وأنا صغير".

وتابع: "عمري ما مديت إيدي على حاجة مش بتاعتي وكنت بقول يا رب أكرمني وأبقى حاجة لأهلي، وإن ربنا لما بيكرم بني آدم ويرزقه مش من فراغ، وأنا متولدتش في بقي معلقة دهب وكنت بحب الخير لكل الناس ولحد الوقت ده".

تكلفة سبوع ابنة حمو بيكا

ورد حمو بيكا على الأرقام التي تم تداولها عن تكلفة السبوع وقال: "اتقال إن السبوع أتصرف عليه ملايين وعربية بـ 10 ملايين دولار، إزاي دي العربية كانت مخلعة والكلام ده مش حقيقي روحوا واسألوا على القاعة بنفسكم، وكل اللي حضروا معلمين ونجوم بيحبوا بيكا، والدنيا كلها بتعمل كده، وأكبر من كده بكتير ولا علشان أنا حمو بيكا".

وأكد الفنان الشهير أنه يعاني من مشاكل بسبب الحسد منذ احتفاله بسبوع ابنته قائلا: "في إيه يا جماعة من وقت السبوع لحد دلوقتي كنت في مشاكل شخصية من الحسد، وده مذكور في القرآن".

وتابع: "الحمد لله عديت وبنتي الأميرة تاج في حضني وربنا يخليها ليا ولما ربنا يديني هعملها أكتر من كده، علشان أنت بذات نفسك بتشتغل علشان عيالك وتتمنى تجيب لعيالك نجمة من السما".

واستعرض حمو بيكا خلال البث المباشر عدد من الصور له قبل الشهرة وقال: "الصور دي تاج هشليها على راسي لحد وفاتي، وكنت راجل شقيان وتعبان وبدأت رحلتي وقلت أجرب اشتغلت وغنيت وجت معايا والناس حبتني لأن دمي خفيف، وأنتم اللي حكموتوا عليا أني دمي خفيف".

سبو تاج حمو بيكا

جدير بالذكر أن مؤدي المهرجانات حمو بيكا كان قد حجر إحدى قاعات الأفراح الأيام الماضية للاحتفال بسبوع ابنته الأولى "تاج"، وحضر السبوع عدد كبير من نجوم الفن الشعبي ومنهم عبد الباسط حمودة إلى جانب عدد من مطربي المهرجانات.

وغاب عن سبوع حمو بيكا الفنان حسن شاكوش الذي هاجم حمو بيكا في بث مباشر نشره على صفحته وقال إنه لم يعزمه للسبوع وقال: "عدوك ابن كارك".