بعد هجومه... زوجة رامي صبري لويجز: أنت غير موجود على الخريطة

حرصت شيرين عادل زوجة المطرب المصري رامي صبري على الدفاع عن زوجها والرد على هجوم مطرب الراب ويجز.  

هجوم زوجة رامي صبري على ويجز 

وشاركت شيرين عادل زوجة رامي صبري عبر حسابها فيديو حديث زوجها في أحد اللقاءات التليفزيونية الذي تسبب في هجوم مطرب المهرجانات ويجز عليه، موضحة إن حديث زوجها لم يحمل إساءة لأي مطربي الراب.

وكتبت قائلة: "ده جزء من الحلقة اللي رامي أتكلم فيها عن الراب.. ومن هنا ورايح مش هسكت وهرد على أي حد يفكر يتكلم عنه تاني بأي طريقة مش عجباني".

وتابعت قائلة: "أولاً رامي أتسأل سؤالاً في برنامج ورد وعنده كل الصلاحية لأي رد أو إجابة على أي سؤال يعني مفيش اي مانع يخلي رامي لما يتسأل سؤال ميجاوبش، وثانيا رامي صبري ده يا حضرت فنان من أهم الفنانين في الوطن العربي، ومن أهم الأصوات".

واستكملت زوجة رامي صبري قائلة: "ده لو حضرتك مش معانا في مجال المزيكا، وبعدين والله يا ريت رامي عنده الوقت بتاع حضرتك الفاضي أوي بتاع 5 شهور، فاضي يا ريت كنا نتمنى".

زوجة رامي صبري لويجز: أنت مش موجود على الخريطة 

كما ردت زوجة رامي صبري على هجوم، ويجز عندما صنف زوجها برقم 19 على الساحة الغنائية، فقالت: "أما بقى موضوع رامي رقم كام ده هو الحقيقة مش شاغل بال رامي أوي بس لو حضرتك شايف إن رامي رقم 19 مع الأسف الشديد لازم أقول لحضرتك تبقى أنت مش موجود على الخريطة من الأساس".

وأضافت قائلة: "أغنية واحدة من رامي صبري واحدة بس تعمل تاريخاً لناس، محتاج تذاكر كويس، وتعرف أنت بتتكلم عن مين، قبل ما تتكلم؛ لأنك واضح إنك عندك شغل تاني غير المزيكا".

وتابعت قائلة: "لأنك لو جوة الشغلانة كنت مش هتقول ولا كلمة من الكلام ده علشان الناس متضحكش عليك؛ لأنك اتكلمت عن فنان بجد مش جاي يهزر".

واختتمت زوجة رامي صبري قائلة: "وأخيراً لما تحب تعمل دعاية لأغنيتك الجديدة أبعد عن اسم رامي صبري أنا عارفة إن اسمه ممكن يخلى الأغنية ترند بس حاول الأغنية بتاعتك الجديدة تعتمد فيها على نفسك".

أزمة رامي صبري وويجز

الجدير بالذكر، أن الفنان رامي صبري صرح في أحد اللقاءات التليفزيونية أنه يحترم الجمهور الكبير لمغنين الراب في الفترة الأخيرة ونجاحهم في فرد موسيقاهم.

وعن ويجز قال: "هو زعل مني علشان قولت قبل كدا إني مش بفهم أغانيه ودي حقيقة..  ولكن هو بدخل مجهود كبير وقدر نجح".

وتسببت تصريحات رامي صبري في تعرضه لهجوم كبير من مجرب المهرجانات ويجز، الذي خرج عبر فيديو نشره عبر خاصية الاستوري على موقعه على إنستغرام.

وهاجم ويجز تصريحات رامي صبري، ووصفه بأنه يستغل التحدث عن المطربين كل فترة لتصدر الترند، كما أشار ويجز إن رامي صبري بعيد عن الساحة الموسيقية، ويحتل الترتيب 19.