بعد إصابتها في برنامج رامز.. سمية الخشاب: ليه الناس ساكتة

كشفت الفنانة سمية الخشاب، عن تفاصيل تعرضها لإصابات خطيرة في قدميها وذراعها، خلال مشاركتها في برنامج رامز جلال "رامز جاب من الآخر".

تفاصيل إصابة سمية الخشاب في برنامج رامز جلال

فقالت سمية الخشاب خلال حوارها مع برنامج ET بالعربي: "ليه الناس ساكتة ليه الناس تتأذى أنا مدمرة أنا ذراعي مش قادرة أحركه من مكانه، المفروض أكون عاملة جبيرة في رجلي ورابطة ذراعي لمدة شهرين وده بتقارير طبية من 3 دكاترة منهم واحد طبيب إنجليزي واثنان من مصر الموضوع مينفعش".
وتابعت قائلة: "برامج المقالب متاحة وعادي ومبررة ومفيش مشكلة بس ليه تأذيني ليه ناس كثير تتأذى مفيش أي مبرر يخلي حد ياذي حد لمجرد أنه يطلع ويشتهر ويعمل نجاحات ومشاهدات على حساب صحة الناس".

وأضافت سمية الخشاب: "صحتنا كنز ومفيش أغلى منها على فكرة واي كان اللي بيقولوا إني مضيت على ورقة أني موافقة على الملابسات، هو في حد يمضي أنه يتكسر وأن يعرض حياته للخطر، تتقدر بأية ولا بملايين الدنيا".

 

 

 

 

عرض هذا المنشور على Instagram

 

 

 

 

 

 

 

 

 

 

 

‏‎تمت مشاركة منشور بواسطة ‏‎ET بالعربي‎‏ (@‏‎etbilarabi‎‏)‎‏

مسلسل غالية بـ100 راجل

كما تطرقت سمية الخشاب خلال حديثها عن مشاركتها في موسم رمضان 2024 بمسلسل "غالية بـ100 راجل" بدور سائقة ميكروباص.

فقالت: "ما كنتش رافضة المسلسل ولكن كنت خايفة وقلقانه وكنت رجل ورا ورجل قدام، والمخرج كان عنده إصرار رهيب وأننا نشتغل في رمضان، وكنت بقوله فين الورق والتجهيزات رمضان قرب خلاص، وخدته على قد عقله وفجأة لقيته بيقولي في ورق تحفة ومحمود حمدان كاتب حاجة عظمة وبقي الموضوع بجد".
وتابعت قائلة: "المسلسل حالة خاصة في حياتي كفنانة وبعتبر مش أقل من اي حاجة انا عملتها قبل كدا وتركيزي في المسلسل لا يقل عن تركيزي في مسلسل ريا وسكينة أو الحاج متولي مركزة أوي ومذاكرة وكل تفصيلة في المسلسل عرفتها ومهتمة ومفيش مشهد بيعدي كده وخلاص".

وعن تصدر الحلقة الأولى من مسلسلها التريند بسبب موت شخصية الفنان أحمد عزمي، قالت: "الحلقة الأولى كانت قوية أوي، وقت الناس مستنيه غالية هتعمل إيه فكرت أن ست مصرية سواقة ميكروباص جديدة لأول مرة في الدراما المصرية، حبيت أعبر عن معاناة الست العاملة اللي هي بتكافح وبتحارب أنها توصل لحقها، ومش عندها مشكلة تنزل الشارع وتشتغل مهنة يمتهنها الرجال ولكن تتحدى كل الظروف لعلاج والدها وإنقاذه".

ملامح سمية الخشاب

وأضافت سمية الخشاب: "المخرج والمنتج أكثر اثنين عانوا مني حالة الظلم اللي كانت على غالية خلتني عصبية أوي وعندي انهيارات والحمد لله المرحلة دي عدت وإحنا دلوقتي في مرحلة الانتقام".

وعن الجدل الذي أثير بعد طرح برومو المسلسل وانتشار صور لها على مواقع التواصل الاجتماعي، وهناك تغيير في ملامحها واتهام النشطاء لها بوضع البوتكس والفيلر.

ردت سمية الخشاب قائلة: "في حد اخد اسكرين شوت ولعب فيها على الذكاء الاصطناعي وخلي وشي شكله غريب بس مهتمتش والدعاية السيئة هي دعاية كويسة، هي دعاية أتعملت بشكل عشوائي وكانت مفيدة مش مضرة".