بعد إصابتها بالسرطان.. كندة علوش تكشف عن عرض محمد صلاح

كشفت الفنانة كندة علوش، عن تفاصيل مكالمتها مع محمد صلاح، لاعب ليفربول الإنجليزي ومنتخب مصر، بعد إصابتها بمرض سرطان الثدي، وتفاصيل تعرضها للتنمر خلال تلقيها العلاج.

مكالمة محمد صلاح لكندة علوش

وأكدت كندة علوش، خلال حوارها مع الإعلامية منى الشاذلي، في برنامجها "حلقات خاصة" المذاع على مواقع التواصل الاجتماعي، أنها تفاجأت بعد معرفتها بمرض سرطان الثدي بمكالمة من محمد صلاح.

وقالت: "من الحاجات اللي أنا مش عارفة هو عايزني أقولها في الإعلام ولا لأ بس أنا مش هستشيره ولازم أقولها عشان دي حاجة أنا سعيدة بيها جدًا عمرو كان قاعداً، فجاله مكالمة أثناء فترة مرضي، فلقيته بيقول (آه إزيك آه طبعاً ايه ده)، ولقيته متحمس وحبيبي وأنت حبيبي وبعدين بيقوله هي كويسة؟.. وأنا مع العيـال مش مركزة بقوله مين يا حبيبي؟".

وتابعت قائلة: "بيقولي محمد صلاح،  قولت له من محمد صلاح؟ قال لي محمد صلاح،  قولتله محمد صلاح مو صلاح؟،  يعني إحنا أكيد بيج فان وهو عارف عمرو بس مش أصدقاء مفيش تواصل، قالي عرف من أصدقاء مشتركين إنك تعبانة، وجاب نمرتي وأتصل".

وأوضحت كندة علوش تفاصيل مكالمته مع محمد صلاح، قائلة: "لما كلمته قال ليا (أنا سمعت إن كندة كذا، ومهانش عليا وعايز أقولك في أي لحظة أنا بيتي موجود لو عايزين تيجوا تعملون Check up هنا، أو تبعت لي الورق، وأنا أجده عند دكاترة هنا)".

تفاصيل عرض محمد صلاح

وأشارت كندة علوش، أنها لم تصدق مكالمة محمد صلاح لها وعرضه عليها، فقالت: "أنا قولت لعمرو مش مصدقة ايه الحلاوة دي، بعدها بفترة لقيت عمرو يتكلم بنفس الحماسة وبيندهلي بقوله مين؟، قال تعالى فيه حد عايز يكلمك تعالي بس".

وتابعت: "وأنا بمسك التليفون قال لي محمد صلاح، قلت له إزيك فقالي طمنيني قالت له أنا كويسة جداً أنا خلاص بقيت كويسة، وكنت بكلمة بنفس الحماس وهو متفاجئ من تون الصوت، فلقيته بيقول لي تاني عايزك تعرفي إن ليكي عيلة وليكي بيت واسمحي لي إني أتطمن عليكي تاني".

واستكملت، كندة علوش حديثها عن محمد صلاح قائلة: "قد ايه هو إنسان حقيقي وبسيط إنه هو دور على النمرة، واتصل أول مرة وثاني مرة بأشخاص هو يعرفهم من بعيد ويقول لي انتي عارفة أنتي غالية علينا قد ايه؟ قولتله أنت اللي غالي".