انتصار عن حماة ابنتها المستقبلية: لو أرشانة هجيبها من شعرها

تحدثت الفنانة انتصار عن مواصفات الزوج الذي تتمناه لابنتها خلال حلولها ضيفة في برنامج "في العمق" مع الإعلامي تامر شلتوت والذي يعرض على قناته على اليوتيوب.

وعن ابنتها أوضحت الفنانة انتصار أن ابنتها تشبها كثيرًا، وهي قريبة جدًا من ابنتها وسترفض لو تقدم لها عريس أكبر منها بسنوات عديدة، حتى لو كان رجلًا ممتازًا.

وقالت انتصار: " أنا بنتي امتداد ليا لأنها نسخة مني، ولو في راجل أكبر منها بكتير تقدم لها هرفضه، ولو أمه مش كويسة ومدخلتش دماغي هرفضه، حتى لو الواد إيه لا يمكن أقبل".

وأضافت: "لو حصلت مشاكل بين بنتي وزوجها، هنحكم أهله وهنرجع للأب لو الأم أرشانة، هتتحكم وتمشي كلامها على جوزها، وابنها هيسمع كلامها، فلما اقولها ابنك غلط هتقولي لأ فهجيبها من شعرها، هي من سني هنتعامل وجه لوجه أنتِ ست أرشانة".

اقرأ أيضًا: انتصار: مفيش حاجة اسمها سينما نظيفة وأفلامنا زمان كلها قبلات

انتصار: مش كل الرجالة خاينين

وتحدثت الفنانة انتصار عن رأيها في مقولة "كل الرجالة خاينين" وأعربت عن استيائها من تعميم صفة الخيانة على كل الرجال، وأوضحت أن هذا أمر خاطئ، فهناك رجال مخلصون ومحبون لزوجاتهم.

وقالت: "يعني إيه كل الرجالة خاينة؟!!!.. عيب، ليه يتعمم في رجالة محترمة ومتربية وبيحبوا بجد، حب الراجل أعظم من حب الست، لما تقولي كل الرجالة خاينة؟، أبوكي خاين؟".

وأكدت الفنانة انتصار أن كل السيدات يحتجن رجلًا في حياتهن، وإذا لم تكن محتاجة لرجل سيكون أمر غير طبيعي، وقالت: "أنا محتاجة راجل في حياتي، مفيش ست مش محتاجة راجل، دا ضد الطبيعة، أنا محتاجة راجل لكن عشان ولادي في سن صعب، وشاغلة نفسي بالشغل".

وعن رأيها في مصطلح "المرأة المستقلة" قالت: "مصطلح المرأة المستقلة عبارة عن الأفكار مشوهة مفيش حاجة اسمها كدة، المرأة تحتاج للرجل والعكس، والمرأة محتاج لرجل عشان تحقق أموميتها".

وأضافت: "في حاجات كتير بتهد الزواج، فإحنا لازم نفوت لبعض عشان نكمل مع بعض، أنا بحب الراجل اللي يغير عليّ، لأن الممثلة الكوميدية بتكون جريئة شوية، لكن جوزي كان بيعلق على لبسي".

وانتقدت انتصار الإعلاميات اللاتي يتحدثن عن العلاقات والزواج بدون خبر أو علم، وقالت: "في ناس موجهة بتقدم حاجات موجهة، مذيعين طالعة من غير CV، في مذيعة طالعة تتكلم في طب النفسي وعن المشاكل الاجتماعية، أنتِ دارسة اي في علم النفس عشان تتكلمي في المشاكل، اتكلمي في حاجة تعرفيها".

اقرأ أيضًا: إمبراطور الإعلام المصري ينسحب من المشهد ويتخلص من مؤسساته الإعلامية