أيتن عامر عن زوجها السابق: معرفش عدد القضايا اللي بينا

كشفت الفنانة أيتن عامر، عن تفاصيل الخلاف بينها وبين زوجها السابق مدير التصوير محمد عز العرب، التي وصلت إلى وجود قضايا بينهما أمام القضاء المصري.

قضايا أيتن عامر ومحمد عز العرب

وأكدت أيتن عامر خلال حوارها مع الإعلامية بسمة وهبة في برنامج "العرافة" على قناة النهار، أن القضايا بينها وبين زوجها السابق هي تكون فيها في موقف الدفاع.

 وأضافت قائلة: "لا والله أبدا أنا ا مش مجرجراه في المحاكم، ولكن لكل فعل رد فعل في المقابل، أنا دلوقتي لو في شخص يقول حاجة أنا معملتهاش، مش مفروض أدافع عن نفسي".

وتابعت أيتن: "لما شخص يرفع عليا قضية ما طبيعي جداً إني أرد عليه، وأنا دائما في موضع الدفاع، أنا عمري ما كنت في موقع الهجوم".

ورداً على سؤال كم عدد القضايا بينها وبين زوجها السابق، قالت أيتن عامر ساخرة: "مبعدش يا جيمي، إحنا مش انفصلنا هتفضل لحد آخر يوماً في حياتنا تأثر ونقير"، لتعلق بسمة وهبة قائلة: "أيتن عامر مش عارفة عدد القضايا بينها وبين عز من كترهم".

خلافات أيتن عامر مع زوجها السابق

وعن سبب وصول أيتن عامر مع زوجها لهذه المرحلة، قالت: "مش كل اثنين بينفصلوا، بينفصلوا علشان بطلوا يحبوا بعض، في ناس كثير جداً ممكن بينفصلوا علشان بيحبوا بعض، علشان مش عايزين يكرهوا بعض".

واستكملت قائلة: "ممكن شخص يكون بجواره بني آدم مش أمين عليه، علشان كده دايما بقول يا رب ارزقني الصحبة الصالحة اللي دلني على الخير، والله أعلم معرفش إيه اللي حصل عند زوجي السابق، ولكن ممكن حد بينصحه غلط".

وأضافت أيتن عامر: "من وجهة نظري أي اثنين بينفصلوا لازم يكون ما بينهم مساحة احترام جيدة علشان يقدروا يتعاملوا"، لتعلق بسمة وهبة قائلة: "الصراحة أنتوا الاثنين مفيش بينكم مساحة الاحترام بإمارة القضايا اللي بينكم".

لترد أيتن عامر قائلة: "لا في بينا مساحة الاحترام، لأننا واقفين عند المشكلة مش بنكبرها، حصل خلاف إحنا واقفين عنده، كل واحد صح من وجهة نظره".

وعلقت أيتن عامر على سؤال بسمة وهبة حول سبب  تصريحات شقيقتها وفاء عامر في أحد البرامج أن زوجها السابق محمد عز العرب شخصياً جيداً وطيبا.

فقالت أيتن عامر: "وفاء عامر قالت الكلام ده وقتها لكل الناس، لأني كنت رافضة أتكلم مع أي شخص في موضوع انفصالي، لأني طول عمري مش بحب حياتي الشخصية تكون على المشاع، لأن دائما عندي مساحة من الخصوصية بحب احترمها".