منى زكي: فكرت اعتزل وبخلص فلوسي على حاجات أهم من المنظرة
أخر أعمال منى زكي فيلم "الرحلة 404"
أكدت الفنانة منى زكي بأنها مرت بفترات صعبة خلال مشوارها الفني، والتفكير في الاعتزال والابتعاد عن التمثيل.
اعتزال منى زكي
وتحدثت منى زكي خلال حوارها مع الإعلامي عمرو أديب في برنامج بودكاست "بيج تايم" على قناة MBC، على سبب اتخاذها قرار الاعتزال، فقالت: "قبل مسلسل أفراح القبة فكرت اعتزل التمثيل خالص وأفتح مركز سبا لأني كنت قعدت في بيتنا حوالي سنتين ونص أو 3 ويتعرض عليا أدوار مش عجباني".
فيديو ذات صلة
This browser does not support the video element.
وتابعت قائلة: "قلت وقتها خلاص بقى مش لازم أمثل وفتح منتجع صحي "سبا"، وجيه أستاذ محمد ياسين أنقذني وقالي تحبين نشتغل مع بعض، قولت له يالا بينا أرجوك خذني".
وأضافت منى زكي: "المسلسل كان صعب جدا ومحدش يعمله غير الأستاذ محمد ياسين، هذا العبقري مكنش معانا اسكربيت مكتوب وكان معنا رواية من أصغر روايات الأديب العالمي نجيب محفوظ، كانت رواية صغيرة خالص و مفيهاش تفاصيل كثيرة ومنه طلع مسلسل صعب جداً".
منى زكي والمال
كما تطرقت منى زكي خلال حوارها مع الإعلامي عمرو أديب إلى أهمية المال في حياتها، مؤكدة أنها في أيام تمتلك المال في أيام وفي أخرى تتعرض للإفلاس.
فقالت: "في أيام بيكون معايا فلوس كثير، وفي أيام يلاقيها كلها خلصت فبقرر أعمل كنترول والبدء من جديد، أنا مش بصرف على نفسي بس في حاجات بالنسبة ليا أهم أصرف عليها".
وتابعت قائلة: "فكرة الحياة اللي احنا بنعيشها أن أهم حاجة أنت لابس إيه وراكب عربية نوعها إيه، الحاجات دي مش بتفرق معايا بنكله"، ليرد عليها عمرو أديب سائلا: "بتودي فلوسك فين يا منى؟".
لتجاوب منى زكي قائلة: "بودي الفلوس في أن أنا شايفة إن ربنا بيدينا الفلوس تخرج من جيبك تديها لحد، إحنا سبب وأنا شايفة أن السبب ده أن في حاجات كتيرة تستاهلها غير المنظرة ، فبديها للناس كثير محتاجها".