كندة علوش تعلن إصابتها بسرطان الثدي: شعري وقع

مقالات ذات صلة

كندة علوش

بعد إصابتها بالسرطان.. كندة علوش تكشف عن عرض محمد صلاح

هالزي تعلن عن إصابتها بسرطان الدم والذئبة في أغنيتها الجديدة

تصدرت الفنانة كندة علوش التريند على مواقع التواصل الاجتماعي ومحركات البحث، بعد أن أعلنت عن إصابتها بمرض سرطان الثدي.

إصابة كندة علوش بمرض السرطان

وكشفت الفنانة كندة علوش خلال حوارها مع الإعلامية منى الشاذلي في أول حلقات برنامجها "حلقات خاصة" الذي يذاع على مواقع التواصل الاجتماعي، عن كيفية معرفتها بإصابتها بمرض سرطان الثدي ورحلة العلاج الكيماوي والهرموني.

وقالت كندة علوش: "بدأت أحس في ألم في مشكلة أثناء الرضاعة، فروحت عملت فحوصات قالولي التهاب بس شهر اتنين الأعراض اللي عندي مش بتروح، في ناس في الحياة موسوسه انا مشكلتي أني العكس تماما فالعكس دي خلاني مش بخاف مش بقلق".

وتابعت قائلة: "أنا مسلمة أمري لله طول الوقت بس لما عدا 4 أو 5 شهور والمشكلة مش بتتحل وعمرو عمال يقول لي نعمل فحصاً في مكنتش شايفة ليه لزمة بس قولت أشوف، ولما روحت للدكتورة، من أول ما شافتني قالت لي في حاجة مش مضبوطة، فقالت لي عايزة أخد عينة، والمفروض الموضوع بياخد من 3 لـ 5 أيام".

واستكملت كندة علوش قائلة: "لقيت تليفون بيجيلي يقولي أستاذة كندة التحاليل طلعت قالي هي مش ليكي صح.. قولتله لأ ليا.. قال لي هي والله النتيجة مش كويسة.. قولتله يعني ايه.. قالي يعني في أكثر من ورم خبيث".

رد فعل عمرو يوسف

وعن رد فعلها بعد معرفة الخبر، قالت كندة علوش: "اخدت الموضوع بهدوء، أما عمرو فكان عنده إحساس داخلي أن الموضوع فيه حاجة، أنا عندي فيه تاريخ في العيلة، جدتي توفت كانسر وخالتي كذلك في سن صغير برضه وخالي، فعندي في التاريخ المرضي وبرضه سبحان الله كنت مستبعدة".

وأوضحت كندة علوش خلال حوارها، أن زوجها عمرو يوسف كان خائفاً عليها عندما علم بإصابتها بالسرطان، فقالت: "عمرو كان مرعوباً أكتر مني فخدني لدكتور، وقال لي إن محتاج أخذ العلاج المتعارف عليه لحد مرحلة معينة اللي جوايا ده يصغر وقتها أشيله بالعملية الجراحية، وبعد كده بعمل الإجراءات التالية، والحقيقة عمرو لم يتركني وكان بيجي معايا جلسات الكيماوي، وهو يقرأ سيناريو مثلا، وأنا أقرأ القرآن الكريم".

ورداً على سؤال كيفية السيطرة على مشاعرها وأفكارها الداخلية منذ معرفتها بمرضها، قالت كندة علوش: "ربنا -سبحانه وتعالى- نزل عليا سكينة ورضا وطمأنينة مش طبيعية.. احنا بنتكلم النهاردة بعد سنة وشهر من اكتشافي للمرض، وأنا لسه بتلقي لحد انهارده باخد الجزء المتبقي من العلاج الكيماوي ولسه فيما بعد العملية وبعدين ارجع تاني للكيماوي ثم والإشعاعي والهرموني.. بس الحمد لله ربنا بيمشيها بردا وسلاما علينا".

كندة علوش: والدتي مصابة بمرض السرطان

كما كشفت الفنانة كندة علوش، خلال حوارها مع الإعلامية منى الشاذلي، أن من أكثر الأمور المفاجآت التي تلقتها خلال مرضها هو معرفتها أيضا أن والدتها تعاني من مرض السرطان.

وقالت كندة: "أنا من يوم ما خلفت وأنا معتمدة علي ماما بتساعدني طول الوقت وشايله معايا ثقل كبير، والحقيقة أن الكسرة الحقيقة كانت بعد شهر بالضبط اكتشفت إن ماما عندها نفس المرض يمكن في مرحلة مختلفة بس دي كانت الصدمة، أنا مكنتش باخدها معايا العلاج عشان مش عايزاها تبقى زعلانة".

وأضافت قائلة: "لما لقتها مرة شاكة إنها تعبانة وروحنا عملنا فحص، واتاكدنا عندها الورم، وقتها كانت الخبطة اللي مش عارف استوعبها بس وحياة ربنا وحياة غلاوة عيالي وجوزي، مفيش ثانية قولت ليه يا رب انا وأمي نفس الوقت، كل اللي عليا قولت ربنا عايز يقولي خدي بالك من صحتك أكتر عايز يقولك خلي بالك من النعمة اللي ادتهالك.. وسيبك من الجري ورا الحياة  وخلي بالك من نفسك، ولا تهملي النعمة اللي ربنا اللي ادهالك".

كندة علوش: شعري وقع من العلاج

ولفتت كندة علوش أنها خلال تلقي العلاج الكيماوي تساقط شعرها بنسبة 60%، قائلة: "أنا وماما كنا بنروح ناخد علاج الكيماوي مع بعض يمكن انا شعري لم يقع بشكل كامل بس ماما لأ في ده حز في نفسيتها أوي، انا بطبيعتي مكنتش بخاف، بس ماما لأ، وأنا طول الوقت خايفه على خوفها قلقانه على قلقها".