كريم فهمي عن المساكنة: مش لازم أقول الحاجات اللي عملتها غلط

مقالات ذات صلة

بعد رفضها مليون جنيه من قناة إسرائيلية.. بدرية طلبة: اللي عملته غلط

عائشة بن أحمد: مش لازم اللي هتجوزه يكون غنياً ومش شرط نخلف (فيديو)

محمود حافظ عن تحريم الفن: إيه اللي حرمه؟ مش بنعمل حاجة تغضب ربنا

أثارت تصريحات الفنان كريم فهمي حول تجربة المساكنة قبل الزواج وخيانته لزوجته الجدل بين نشطاء مواقع التواصل الاجتماعي.

تصريحات كريم فهمي عن المساكنة

وقال كريم فهمي خلال حواره مع الإعلامي على ياسين في كتاب الشهرة ردا على سؤال تجربته للمساكنة: "أكره المجاهرة بالمعصية، ومش هعمل نفسي متدين، لكن أنا بكره المجاهرة بالمعصية".

وتابع قائلا: "ممكن أكون بعمل حاجات غلط بس مش لازم أقولها على الهوا، و80% من الشباب أكيد عدوا بالمرحلة دي، وأنا طبعًا كنت منهم، وأنا في سن أصغر".

كريم فهمي وزوجته

كما تطرق الحديث إلى علاقته بزوجته وتفاصيل خيانته له قبل الزواج، وقال كريم فهمي: "زوجتي شريكة كفاح كبيرة أنا لما تخرجت من الجامعة ذهب لأسرتها وأنا لا أملك شيء فعلياً ولا عندي شقة وكنت وقتها عامل مسلسل عرض خاص ومحدش وقتها شافه فهي رحلة كفاح وقفتها جنبي بكل المعاني وهي بنت ناس ووالدها قال لي شوف اللي تقدر عليه وأعمله".
وأضاف قائلا: "ويارب نقدر نحافظ علي اللي عملناه وتكبر في أولادنا من غير ما أنحت في الشغل أنا ممكن أكون ثروة من شغلي لو قبلت كل الأدوار اللي بتجيلي وكان زمان معايا ثروة حلوة ولكن أنا اخترت أمشي على القد واحترم شغلي ونفسي".

خيانة كريم فهمي لزوجته

وعن تصريحاته حول اكتشاف زوجته خيانته من قبل: "هي مكنتش خيانة أوي الموضوع كان قبل جوازنا هي كانت جايبه ليا جهاز بلاك بيري وكان عليه تطبيق دردشة زي الواتساب ولقيت واحدة حلوة دخلا وكنت عايز أعرف عملتها إضافة أمتي وبدأت أكلمها وأرغي معاها هي كانت حلوة أوي في الصورة اللي حطاها".
واستكمل قائلا: "وبعد كده اكتشفت أنها دانيا مراتي كانت الصورة صغيرة وهي كانت صبغة شعرها أصفر فأنا اتعرفت على مراتي من جديد وهي كانت فاكراني بهزر ولما عرفت إني بتكلم جد اتقفشت قفشة وحشة جدا".

ورداً على سؤال إذا كان سيسامح زوجته في حالة خيانتها، قال: صعب أوي أسامح، احنا في مجتمع منقدرش على ده والفكرة لا تحتمل أنك تسمعها والسؤال بالنسبة ليا مرفوض".

كريم فهمي وشيخ الأزهر

كما تحدث كريم فهمي عن اتباعه شيخ الأزهر بمصر، فقال: "لا أتبعه في كل شيء، لا أوافقه ولا أعارضه، أنا أقرأ كثيرًا في كل الفروع، وخصوصًا في الدين، بس ما قدرش أتناقش معك".

وأضاف قائلا: "لم أفكر في الإلحاد، وبالتأكيد يأتي لي الكثير من الأفكار والتساؤلات، مثل ليه أهالينا في فلسطين بيحصل فيهم كدا، نفسي ربنا يجازي الناس التانية".

وتابع كريم فهمي: "أنا عارف إن ربنا يعمل حاجة وشايل حاجة في وقت ما، لأن ربنا هو أحسن واحد يكتب سيناريو للبشرية، سيناريو هو الأدرى به، لكن أنا أستعجله".