كريم عبد العزيز: أنا رجل شرقي ومش قفل.. وبقول لبنتي تلبس إيه
يعرض برنامج "بيج تايم" للإعلامي عمرو أديب على MBC
أكد الفنان كريم عبدالعزيز أنه يتعامل مع أولاده بطريقة الرجل الشرقي، فهناك قواعد عليهم الالتزام بها، على الرغم من عدم تواجده معهم طوال الوقت.
كريم عبد العزيز مع عمرو أديب
وقال كريم عبد العزيز خلال حوارها مع الإعلامي عمرو أديب في برنامج "بودكاست بيج تايم" على قناة MBC: "الجيل ده صعب التعامل معه، هو أصعب من جيلي بكثير، الله يكون في عون زوجتي هايدي هي اللي شيلا أكثر لأني بكون في التصوير".
فيديو ذات صلة
This browser does not support the video element.
وتابع قائلاً: "أنا عندي ملك 17 سنة وعلي 14 سنة دلوقتي، دا سن الرزالة جداً، عندي ملك دخلا في دور أنها مدموزيل وقفلا على طول أوضتها عليها في البيت، بقولها شاركينا الغذا، أوضتها دي مملكة بأصحابها بحياتها سن استقلالية البنت بتحس أنها بقت مدموزيل".
وأضاف كريم عبد العزيز: "الجيل أصبح غير، سرعة التفكير غير وتعرضه للتكنولوجيا أسرع منك بكثير، غير أنه هو أسرع، أنت بتجري وراه بتنهج".
أبناء كريم عبد العزيز
ورداً على سؤال عمرو أديب حول أبرز المشاكل، فقال: "أبرز مشاكلي مع بنتي أنها تقعد معانا تتغدى، انا وأمها مش بنشوفها في البيت، مبقناش نتغذى سوا زمان كانت أحلى أيام".
واستكمل قائلا: "ياريت اللي بيجي يتغدى معاك بياكل هي بتقعد بتحط التاب أو التليفون قبل الطبق، هو جيل أسكرينات جيل شاشات، أنا شايف الحيل ليقضي كم وقت مع الشاشة أكثر من الإنسان بجنون من ساعة ما بيصحوا لحد ما يناموا قاعدين على الشاشة، لدرجة بنتي سألتني سؤال أنتوا إزاي كنتوا عايشين من غير إنترنت وكأنه هو الحياة".
وعن تدخله في حياة ابنته قال كريم عبد العزيز: "طبعاً بتدخل في مناقشة وأنا شرقي بطبعي شوية وغيور فبقولها تلبس ايه وإيه لأ، أنا مش رجعى ومش بقفلها لكن يتناقش بقولها الطبيعي يا بنتي".
وتابع قائلاً: "آخرها في الرجوع للبيت الساعة 11 مساء كلمتها بترجعها في الوقت ده، ومفيش بعد كده ويتكون خارجه في محيط الكمبوند معانا تكون عن صاحبتها راجعة من عندهم".
واستكمل عن دور زوجته في التربية قائلا: "زوجتي هايدي شديدة مع الأولاد وفي البيت، لكن لو في عيد ميلاد ممكن تتأخر شوية، تربية في العصر ده أنك تمسك جدا غلط، وأنك تسيب جداً غلط، التربية أنت واقف على حبل في السيرك أنت ماشي بمقادير تقفل زيادة ومش هتصاحب هيكون فيه مصيبة إنك تسيب مساحة وتصاحب وأنها تعرف تحكي لمامتها في الزمن ده".
أما عن نجله "على" وقال كريم عبد العزيز: "الولد أنيل في التربية عن البنت، الولد طبعاً أصعب ويرجع بردوا في مواعيد أخته الساعة 11 مساءً، لأن البنت مهما كبرت في سن تسمع الكلام من نظرة والدها، أما الولد فيحس أنه راجل من أول سن 13 فأنا مصاحب ابني".