كتب وصيته.. تعرف على سبب وفاة الفنان تامر ضيائي

مقالات ذات صلة

نجم أفلام الأكشن.. تعرف على سبب وفاة الفنان فؤاد شرف الدين

تعرف على يوم عشاق الكتب

تامر ضيائي.. تعرف على مسيرة الفنان المصري الراحل

أصيب الوسط الفني المصري والعربي، بالصدمة، بعد إعلان عن وفاة الفنان تامر ضيائي، عن عمر يناهز الـ 50 عاما، لتتحول منصات الفنانين لرسائل عزاء ومواساة لأسرة الفنان الراحل.

سبب وفاة الفنان تامر ضيائي

وأعلن الفنان محمد علي رزق، عبر حسابه الرسمي على موقع فيسبوك، وفاة صديقه الفنان تامر ضيائي، قائلا: "لا حول ولا قوة إلا بالله، صديقي وأخويا الكبير عشرة عمري تامر ضيائي في ذمة الله.. الله يرحمك يا تامر، ويجعلك من أهل الجنة، ويعوضك عن تعبك في الدنيا نسألكم قراءة الفاتحة والدعاء له بالرحمة والمغفرة".

من جانبه، كشف الفنان أشرف زكي، نقيب المهن التمثيلية، تفاصيل صادمة حول وفاة الفنان تامر ضيائي، مؤكدا في تصريحات صحفية لموقع تليجراف مصر، أن الراحل توفي خلال مشاجرة مع أحد الأشخاص.

وتابع قائلا إلى أن الفنان الراحل تعرض للاعتداء من قبل شخص خلال مرافقته لزوجته أثناء تلقيها جرعات الكيمياوي.

وأضاف نقيب الممثلين قائلا: "راجل ضربه وهو مع مراته بتاخد علاج الكيماوي، وحاليًا تجري الجهات المختصة التحقيقات في الواقعة".

وصية تامر ضيائي

الجدير بالذكر، أن الفنان تامر ضيائي تعرض في شهر مايو الماضي لأزمة صحية، ليعلن بعدها عبر حسابه الرسمي على فيسبوك عن وصيته.

وكتب الفنان الراحل قبل وفاته بشهرين معلنا عن وصيته، قائلا: "بوست وصية  ده هيفضل باين علي صفحتي لحد ما أموت.. الحقيقة اللي كلنا عارفينها ومتأكدين منها إننا كلنا ربنا كتب لنا إننا نموت في ميعاد محدد غير معروف، وعشان كده كتبت الكلام ده لأني محتاج حاجات معينة تتعمل وحاجات خايف تتعمل وأنا مش عايز حد يعملها لمجرد إنها معروفة، ووقتها طبعاً مش هعرف أقولها لحد".

وتابع قائلا: "ودي وصيتي  صلاة الجنازة أهم من العزا وهي اللي كل ما العدد زاد كل ما ثوابي ما كان أكثر، فأرجوكم تصلوا عليا، ومش شرط تيجي العزا ويا ريت لو أتعمل في البيت أو مكان بسيط بفلوسه تطلعولى صدقة جارية أفضل.".

وأضاف قائلا: "من فضلكم لم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دي بالذات بلاش وإدعولى الوقت اللي هتقروا فيه جزء فضوا نفسكم وأقعدوا ادعوا فيه، بلاش صدقة جارية تقليدية وسهلة ومش مستفاد بيها يعني المصاحف كتير في مصر أوي، وكل بيت فيه كتير فممكن نحط الفلوس في جامع يتبنى أو كرسي متحرك في مستشفى يستفادوا بيه المرضى أو دخول مياه لبيت غلابة أو بناء سقف لبيت فقراء، حاجات ناس تستفيد بيها لمدة طويلة".

واستكمل تامر ضيائي: "دي نقطة مهمة أوي بالنسبة ليا.. محدش يقول لحد بتعيط عليه لية، ومتعيطش عشان هو بيتعذب!! الكلام ده غلط، سيبوهم يعيطوا لحد ما يطلعوا كل الشعور اللي عندهم ومفيش حاجة بتقول إن العياط معناه عدم رضا بقضاء ربنا "وابيضت عيناه من الحزن فهو كظيم"، أهم حاجة تاني هي الدعاء وبس والصدقة.".

وتابع الراحل قائلا: "من فضلكم تكثفوا الدعاء وقت نزول القبر، وتتصدقوا بأي حاجة بنية إن ربنا يجعل قبري روضة من رياض الجنة، ويثبتني عند السؤال؛ لأن ده أهم وقت ليا ويا ريت كمان بعد ما تدفنونني تقعدون معايا شوية، ومتستعجلوش تمشوا عشان تونسونى في ليلة زي دي، الموت علينا كلنا حق وإحنا كلنا أمانات ربنا وهيردنا تاني، فالحزن على الفراق هونوه على نفسكم بالدعاء ليا عشان أبقى في سعادة لحد ما أقابلكم تاني."

وأضاف في آخر وصيته قائلا: "اللي بيحبوني يدعولى كتير عشان لو مفيش حد يدعيلى، ودي مهمة أوي عاوز الكل يسامحني علي اي حاجة عملتها فيه بقصد لو بدون قصد".

واختتم وصيته قائلا بالدعاء: "اللهم إن كثر موت الفجأة من حولي، وكثر موت الشباب غفلة، ف يارب إن كنت أنا القادم فأحسن خاتمتي، وارزقني نطق الشهادة عن الموت، ويسّر طلوع روحي، وهوّن عليّ سكراتي فإني أحب أن أرحل في هدوء وسكينة وطمأنينة، ولا تقبض روحي إلا وأنت راض عني لكي أكون عبدا مقبولا عندك  حتى أليق بلقائك العظيم، وإن كان لي من العمر باق فاغفر لي ذنوبي ومعاصي نفسي الأمّارة بالسوء، وأعفو عني وأمحو لي كل ما يعرقل طريقي إليك، وردّني إليك ردّاً جميلاً يا رب العالمين".