فيفي عبده: ايه المشكلة لو أتجوزت 100 مرة.. وأنا عملت 37 عمرة (فيديو)

مقالات ذات صلة

فيفي عبده: جوزي سبب وعكتي الصحية وأنا زعلانة منه

ظهرت بالشيشة.. فيفي عبده: اللي في جمالي تفعل أفعالي (صور)

فيديو احتفال بعريس سعودي تخطى عمره الـ100 عام

تحدثت الفنانة والراقصة فيفي عبده عن مواضيع مختلفة تتعلق بحياتها الشخصية والفنية. ومن بينها، تطرقت إلى فكرة الموت ورغبتها في العيش لمئة عام، وموقفها من الحجاب والرقص.

فيفي عبده والموت

وأكدت فيفي عبده في لقاء تلفزيوني مع الإعلامي محمد قيس، ببرنامج "عندي سؤال" إنها لا تخاف من الموت، لكنها تدعو الله في كل صلاة أن يمد في عمرها ويبارك لها فيه.

فتقول فيفي عن الموت: "وشفت تربتي وموضباها لكن نفسي ربنا يديني عمر شوية لأني لسه معشتوش، كل ما أركع بقول لربنا يارب اديني شوية عمر عايزة أعيش أكتر من كده عايزة أعيش 100 سنة مثلا".

 وأضافت أنها التقت ليلى عبد اللطيف خبيرة الأبراج في الطائرة، وسألتها عن مدة حياتها، فأجابتها بأنها ستعيش لثمانين عامًا، فقالت لها فيفي عبده: "مش عاجبني الثمانين دول هل من مزيد؟ خافت مني قالت لي خلاص تسعين، العمر بإيد ربنا، نفسي أعيش مئة سنة أشوف اللي بحبهم أشوف وأعيش مع أحفادي".

وأكدت فيفي عبده أنها مطمئنة إلى مواجهة الله سبحانه وتعالى، لأنها طول عمرها ماشية بما يرضيه، ولم تظلم أحدًا، وكانت تساعد الغلبان، وتحافظ على لسانها وتصرفاتها. وقالت: "ربنا هيعمل فيا إيه أنا راضية بكل حاجة، ربنا يهديني لو جاتلي الهداية هقولها إيه لأ كخة".

فيفي عبده والزواج

وعن حياتها والزواج قالت فيفي عبده خلال حوارها أنها سيدة تعيش حياتها بشكل واضح وصريح، ولا تجد أن هناك مشكلة في الزواج أكثر من مرة.

وتابعت قائلة: "لو أتجوزت 100 مرة إيه مشكلة في كده والست ربنا قالها تطلق وتجوز عادي، وكنت أتمنى لو أني اتجوزت برجل يشبه والدي بطيبته وحنيته".

فيفي عبده والرقص والحجاب

وعن رأيها في الرقص، قالت فيفي عبده إنه شغل مثل عمل الباليه وليس حرامًا، وأنها تحترمه وتحترم الناس اللي بتتفرج عليها وبتقدرها.

 وأشارت إلى أنها لا ترتدي الحجاب في عملها، لكنها تعتبر نفسها محجبة في قلبها وفي كل تصرفاتها، وقالت: "مطلوب مني إيه أكتر من كده وإذا كان على الشغل لو ربنا قالي في أي وقت البسي الحجاب هلبسه".

عدد مرات الحج والعمرة

وكشفت فيفي عبده عن عدد العمرات والحج التي قامت بها، وقالت إنها عملت 37 عمرة وقامت بالحج 5 مرات، وطالبت الناس بأن لا ينظروا إلى الشكل الظاهري للفنانين، بل إلى قلوبهم وتصرفاتهم. وقالت : "نفسي أقول للناس متبصوش للشكل الظاهري للفنان بصوا لقلوبهم وتصرفاتهم اعرفوا أن الفنانين دول عندهم حاجات كتير حلوة إنتوا مش بتقدروها لكن ربنا بيقدرها".

وتابعت قائلة: "لما كنت بروح مكنتش أتكلم مع مخلوق أحط حجابي أروح أصلي صلاتي وأرجع وأخد أهلي كلهم معايا، هيقولوا عاملة دا ورقاصة، آه دي نقرة ودي نقرة هو حساباته غير ويعمل اللي هو عايزة، عملت اللي يرضيني في الحياة ومطمنة جدا حاسة إني هقابل ربنا وأنا مستريحة في أي وقت".