شيرين رضا تتحدث عن علاقتها بدينا الشربيني وزينة عاشور

مقالات ذات صلة

كيف ساهمت علاقة عمرو دياب بدينا الشربيني وشيرين رضا في نجاح مسلسلهم؟

فيديو: إعلامي مصري يُطالب عمرو دياب بتوضيح طبيعة علاقته بدينا الشربيني

شيرين رضا

حلت الفنانة شيرين رضا ضيفة في برنامج "أنا والقناع" على قناة الحياة مع الإعلامية منى عبد الوهاب، وتحدثت عن علاقتها بالفنانة دينا الشربيني وزينة عاشور طليقتي زوجها السابق الفنان  عمرو دياب.

وقالت الفنانة شيرين أن علاقتها بزينة جيدة وهي أم أخوات ابنتها نور، وقالت: "دايمًا كنت بقول لنور وهي صغيرة إن زينة مامتك التانية مش مرات أبوكي لما أنا مكنش موجودة أو لما تكون هي قاعدة عند أبوها".

وتابعت شيرين: "مش بحب كلمة مرات الأب، عشان كدا كان لازم أبقى صاحبة زينة لأن في بينا أربعة أولاد ملهمش ذنب في اللي حصل".

أما عن علاقتها بالفنانة دينا الشربيني أكدت شيرين أنها صديقتها، حيث قالت: "دينا صاحبتي من زمان وعمري ما هخسر علاقتي بيها ولحد دلوقتي مخسرتهاش، وهنفضل أصحاب طول العمر إن شاء الله".

وأكدت شيرين على إيمانها بإمكانية زواج النساء اللاتي وقعن في حب نفس الرجل، لأن الصداقة أمر مختلف، وقالت: "لو شيلنا كل اللي ضايقني وقت علاقتي بالرجل من تاريخي وتفكيري هلاقي الحياة ماشية عادي".

وتابعت: "لما ببص لعمرو دياب دلوقتي مش بفتكر إننا كنا متجوزين وإني زعلت منه في كذا وكذا، أنا نسيت كل دا"، وأوضحت: "الأنسب لعمرو دياب هو اللي حدده لأن العلاقة لازم تكون بالتفاهم ووجهة نظري ملهاش دعوة بالحقيقة".

شيرين تتحدث عن ابنتها نور

وتحدثت الفنان شيرين عن ابنتها نور عمرو دياب، وكشفت أنها ربتها بالطريقة التي رباها لها والدها، حيث قالت: "علمت بنتي كل حاجة اتعلمتها من والدي علمتها النقاش والتفاهم وأنها متعملش حاجة تتكسف منها بعدين".

وتابعت: "بنتي نور شبهي في شخصيتي الجادة القادرة على السيطرة على مشاعرها وخفت عليها من الحياة وخصوصًا أنها عايشة برا بعيد عني".

ووتحدث شيرين عن أوجه الشبه بين ابنتها نور ووالدها عمرو دياب، حيث قالت: "بنتي أخدت من والدها إيديه ورجليه بالضبط صوابع إيديها ورجليها نسخة منه".

وسُئلت شيرين عن إمكانية عودتها لعمرو دياب مرة أخرى، لتنفي شيرين الأمر، وقالت: "لأ عمر ما فكرت نرجع لأن الحياة بتودي كل حد في سكته وأنسب لنا الصداقة دلوقتي".

وسألتها منى عبد الوهاب عن إمكانية عودتها لعلاقة قديمة، لترد عليها شيرين: "اللي بيتكسر مش بيتصلح وفي العلاقات مش بعرف أبص ورايا بمشى للأبد ومش برجع".

وأكدت شيرين أنها لا تخاف منا لحب، ولكنها اعتادت أن تكون هي المتحكمة في حياتها وأفكارها وأرائها، وقالت: "أنا مش أكتر واحدة فهمت عمروو دياب مع إني عرفته من واحنا صغيرين ولكني مش أكتبر واحدة أفهمه، ومش فاكرة إلا الحاجات الحلوة اللي بينا".