ريم البارودي تتصدر التريند بعد هجومها على ريهام سعيد

مقالات ذات صلة

ريهام حجاج تتصدر التريند بعد شائعات الاعتزال.. ما القصة؟

بعد خطوبة شهرين.. ريم سامي تتصدر التريند بإعلان كتب كتابها

ريهام سعيد

تصدرت الفنانة ريم البارودي التريند على مواقع التواصل الاجتماعي ومحركات البحث، بعد تصريحاتها الأخيرة حول الإعلامية ريهام سعيد وكشفها عن استمرار الأزمة بينهما.

أزمة ريم البارودي مع ريهام سعيد

وأكدت الفنانة ريم البارودي خلال حوارها مع الإعلامية بسمة وهبة في برنامج "العرافة" علي قناة النهار، أن أزمتها مع الإعلامية ريهام سعيد ما زالت مستمرة وبينهما العديد من القضايا أمام المحكمة.

وقالت ريم البارودي: "ما زال في قضايا والمشكلة مخلصتش، ومفيش عداوة تيجي بعدها محبة، هي حضرت عزاء والدي وطبطبت على ريم علشان عزاء والدها تريند، وكان حضورها علشان اللقطة طبعا، وقبل ما تيجي بعتت ليا رسالة تستأذن تحضر العزاء وقالت لي خايفه آجي علشان تقولين جايا أخذ اللقطة".

واستكملت ريم البارودي حديثها أنها أخطأت عندما نسيت وقت وفاة والدها خلافها معها، وقالت: "فوجئت برسالتها وقت العزاء وأنا مش قادرة أفكر، ونسيت إنها أذتني ودي غلطتي، وكان المفروض مسلمش عليها".

وعن سبب قبولها الظهور في برنامج ريهام سعيد "صبايا الشمس" بعد 60 يوماً من وفاة والدها، قالت ريم البارودي: "أنا عملت الحلقة بناء على طلبها، وكنت وقتها مسافرة عمره وقلتها مش هينفع دلوقتي وكان عندي كمان حوار تاني وأجلته، ولكن هي كلمتني وقالت ليه دي حلقة عن عودة الصداقة، وجاملتها بربع أجري".

واستكملت قائلة: "وفتحت لفريق التصوير بيتي من الساعة 11 بالليل، وهي وصلت الساعة واحدة صباحا، وخلصوا الساعة 11 صباحا، وقبلت أصور علشان مدت أيدها وعزتني، وقلت في إنسانية، وأنا غلطانة إني سامحت".

وتابعت قائلة: "أنا قبل ما الحلقة تتصور طلبت منها أكثر من مرة تقول ليا الحلقة هتكون ازاي والأسئلة عن إيه، كانت بتقولي احنا هنشغل الكاميرا ومتقلقيش".

وأضافت ريم البارودي: "لما كلمتني وقالت عايزين حلقة عن عودة الصداقة، لكن البرومو كله أنا طالعة فيه أتاجر بموت أبويا، طالعه أعيط على موسيقى خلف الأسوار وأخداني مشاهد من قريب وهي من بعيد والإضاءة عندها مضبوطة وأنا لا".

ريم البارودي: ريهام سعيد قالت ليا هنعمل حلقة تريند

وأوضحت ريم البارودي حول سبب موافقتها للظهور مع ريهام سعيد قائلة: "أنا مش محتاجة أطلع في حلقة بعد 60 يوماً من وفاة أبويا ولا محتاجة فلوس، لكن قبلت بعد حضورها عزاء والدي".

وأردفت قائلة: "هي مذيعة شاطرة ولا تعتمد على الإعداد أو إسكريبت، ووعدتني بحلقة تريند، وطبعا دخلنا في شجرة ولا شوفنا التريند".

وأضافت ريم: "أول ما بدأنا نصور لقيت نفسي متهمة وفتحت مواضيع وقالت إنت شتمتيني، والشخص الذي استعانت به كشاهد، وحصلت على حكم سنة عليه، تهربت من ذكر اسمه".

وكشفت ريم البارودي عن كواليس تصوير الحلقة قائلة: "مكنش في مخرج في الحلقة وهي ريهام اللي كانت بتشوف كل حاجة وكانت عاملة طاقة سلبية في المكان وعاملات نفسها بتفهم في كل حاجة وتنده على المصور بيعمل ايه وتزعق ليه وكانت بتزعق مع كله".

 وتابعت قائلة: "ساعة عرض الحلقة كنت مسافرة خارج مصر، وبعتتلي البرومو وأنا بتاجر بوفاة أبويا وقالت لي الحلقة وحشة أوي وطلبت نعيد الحلقة ورفضت، وقلت لها إني مش هشوف الحلقة".

وأضافت ريم: "وقتها هي أضايقت مني ولما اتعرضت الحلقة ومعملتش رد فعل اتجننت أكثر وراحت ريهام نشرت بوست بصورة كلب مطلع لسانه، وتجاهلتها تماما وقلت عند الله تجتمع الخصوم".

وعن تصويرها خلال الحلقة وهي تدخن قالت ريم البارودي: "مكنتش عارفة إنهم بيصوروا، ودخنت على أساس أننا في راحة، أنا عارفة أصلا بحكم شغلي أن ممنوع تصوير شخص يدخن، وهم صوروني وانا مش واخده بالي، لأني كنت أعرف لو الكاميرا شغالة".