دنيا سمير غانم: مش قادرة أنسى مرض أبويا وأمي وبهرب في الشغل
مسرحية "آنستونا" آخر أعمال دنيا سمير غانم
تحدثت الفنانة دنيا سمير غانم لأول مرة عن تأثير وفاة والديها الفنان سمير غانم والفنانة دلال عبد العزيز في وقت واحد في فترة كورونا، وتأثير ذلك على نفسيتها هي وشقيقها إيمي.
دنيا سميرغانم في بيج تايم
أكدت دنيا سمير غانم خلال حوارها في برنامج "بودكاست بيج تايم" مع الإعلامي عمرو أديب على قناة MBC، إن وفاة والديها كانت من أصعب اللحظات في حياتها.
فيديو ذات صلة
This browser does not support the video element.
وعن فكرة تجاوز الحزن، علقت دنيا سمير غانم قائلة: "لأ هو احنا متجوزناش لأن الموضوع مش سهل خالص، وقدرة الناس عن التجاوز بتكون قدرات، يعني أنا بعد التجربة دي اكتشفت أن الحزن ده مش زي ما إحنا بنوريهلكوا في الأفلام خالص يعني هو كل إنسان بيحزن بطريقته اكتشف أن الحزن أنواع".
وتابعت قائلة: "يعني أنا مثلاً بعد أهلي كنت عاوزة أنزل اشتغل عشان أنا طول حياتي متبرجمة إن الفن يعني بابا وماما فـأنا بشتغل بحس إنهم معايا فـكنت عايز أغني وأمثل وأقف على المسرح عشان أحس أن الناس معايا".
وأضافت دنيا سمير غانم: "عشان أحس إن بابا وماما معايا ده كان ستايل حزني، إنما إيمي حزنها كان إنها عايزة تفضل مع نفسها طول الوقت يعني إحنا بالعافية خليناها تشتغل مسرحية في موسم الرياض".
واستكملت قائلة: "أنا بدمع كتير وببقا عايزة أعيط كتير بس بمسك نفسي وبتبسط وبقابل الناس وكل حاجة بس هما جوايا ومعايا، أنا مش عايزة أعيط".
دنيا سمير غانم: صورة تعبهم مش قادرة أنساها
وحول أصعب اللحظات التي لم تتخطها في وفاة والديها، قالت دنيا سمير غانم: "محدش يحكم على حد في حتة الحزن دي خالص يعني مثلاً ميكونش حد حصله ظرف كبير ويقولك ايه وداه الحتة دي، لا هو يمكن رايح كعلاج".
واستكملت قائلة: "حتى المرحلة اللي كانت قبل وفاتهم كانت صعبة والاتنين ورا بعض على طول كمان، فأنا بشتغل وبلهي نفسي في الشغل عشان صورتهم وهما تعبانين على طول موجودة معايا ودي الحقيقة الصورة اللي مش عارفة لحد الآن أتخطاها أو أنساها".
علاقة دنيا سميرغانم وشقيقتها إيمي
كما تحدثت دنيا سمير غانم عن علاقتها بشقيقتها إيمي زوجة الفنان حسن الرداد، خاصة بعد اختفائها عن الأضواء لمدة عامين بعد مرورها بأزمة نفسية تأثرا بوفاة والديها.
فقالت دنيا سمير غانم حول الفروق بينهما قائلة: "فيه حاجات فينا زي بعض جدا زي حبنا للناس واحترامنا ليهم وحبنا لشغلنا واهتمامنا دايما إننا نقدم حاجة كويسة والحاجات اللي إحنا اتربينا عليها في البيت دي، لكن لو حاجة مختلفة ممكن يبقى الطباع".
وتابعت قائلة: "يعني أنا مثلا في الحقيقة هادية جدا لكن إيمي لا، مع أننا وإحنا صغيرين كنا العكس، إيمي مثلا عصبية جدا بس عصبيتها بتضحك زي ما يكون طفلة وأخذت حتة خفة الدم من بابي حلو أوي".
واستكملت دنيا سمير غانم، قائلة: "إيمي ما شاء الله ما شاء الله خفة دم غير عادية، هي في حياتها عصبية وسهل إن أي حد يعـصبها لكن أنا لا، أنا باردة شوية، ولما بزعل مش بقول على طول بكبر دماغي أو أطنش كده لكن إيمي تقف عند أي حاجة، بس ده الفرق اللي ما بينا لكن باقي الحاجات زي بعض".
وأشارت دنيا سمير غانم أنه منذ وفاة والديها، حرصت أن تكون بالقرب من شقيقتها دائما، وأضافت قائلة: "الحمد لله إحنا على طول مع بعض، يعني هي جت تسكن جمبي بعد بابا وماما، وحسن كان مرتبط بمامته أوى وإيمي كانت مرتبطة ببابا جدا فلما خلاص بقوا مش موجودين بقينا كلنا مع بعض".
وتابعت: "دي من الحاجات اللي بسمعها من الجمهور، يعني بقابل ستات طول الوقت تقولي خليكى مع أختك، خليكو جمب بعض".