حمو بيكا يحذر أقاربه: محدش يطلب فلوس من أمي المرة الجاية هقول أسمائكم

مقالات ذات صلة

ياسمين صبري لـ الجمهور: محدش يطلب مني شغل ولا فلوس

للمرة الثانية.. حمو بيكا يهاجم أقاربه: تعبت من البجاحة (فيديو)

بعد دورها بالعتاولة.. فريدة سيف النصر: المرة الجاية أم رمسيس

 تداول مستخدمو مواقع التواصل الاجتماعي بعض من تصريحات مطرب المهرجانات حمو بيكا، ينتقد فيها طلب عدد من أقاربه المال من والدته.

وظهر حمو بيكا من خلال فيديو بتقنية "البث المباشر" على صفحته على مواقع التواصل الاجتماعي قائلا:" بلاش تتصلوا بوالدتي وتطلبوا منها شيء علشان هي معهاش حاجة تديها ليكم، والمرة دي بقول القرايب والمرة الجاية هذكركم بالاسم".

وأضاف حمو بيكا: "أنا مش ذنبي يا قلبي أنك مش لاقي تأكل، أنا كان مرتبي في الأسبوع 120 جنيه، وفي اليوم 15 جنيه، ووقتها مقلتش لحد أديني، ووقتها كنت أنت مرتاح ومعاك، ووقتها كنت عايش في شقة كبيرة وأنا كنت عايش في أوضة وصالة".

وتابع مطرب المهرجانات: "بدل ما تتطلبوا ببجاحة وتشحتوا، اشتعل يا بابا أو يا ماما أمال مش لاقي تاكل، ما تبقوش نايمين في بيوتكم واشتغل وأصرف عليكم، أنا مسؤول عن 4 بيوت وشغال عندي 24 واحد مسؤول عنهم، أنا بدي لحد يستاهل ولبيتي أو أخواتي أديك أنت بتاع إيه، وفي شغلتنا لو شوية تعب جم هنام، ومفيش حاجة بتدخلنا تاني".

سبوع  تاج حمو بيكا

وأثار سبوع نجله مطرب المهرجات حمو بيكا الجدل على مواقع التواصل الاجتماعي في الأيام الماضية، بسبب حجز إحدى قاعات الأفراح للاحتفال بسبوع ابنته الأولى "تاج"، وشهد الحفل حضور عدد كبير من نجوم الفن الشعبي ومطربي المهرجانات منهم الفنان عبد الباسط حمودة.

ورد حمو بيكا على هجوم حسن شاكوش، الذي هاجمه في بث مباشر على صفحته قائلا: "شاكوش غاب عن حفل سبوع بنتي،  وهاجمني بفيديو على صفحته قال عدوك ابن كارك، أنا يا حسن اتصلت بيك أكثرعلشان أعزمك  ومعرفتش أوصلك، وكلمت مدير أعمالك وبلغته بالسبوع، وكمان عزمت عمرو كمال على السبوع ومحضرش".

كما رد حمو بيكا مؤدي المهرجانات على الجدل الذي أثير حول تكلفة سبوع ابنته "تاج" وتكنهات البعض إن التكلفة وصلت لـ 10 ملايين دولار، من خلال مقطع بث مباشر على صفحته الشخصية على موقع الفيسبوك تحت عنوان "دعوا الملك للمالك".

 وقال مطرب المهرجانات حمو بيكا موجها رسالة لمن انتقدوا حفل سبوع ابنته: "سيبوا الملك للمالك، والكلمتين دول للقريب قبل الغريب، أنا طالع من منطقة شعبية اسمها الدخيلة من أسرة متكونة من أربع أخوات والأب والأم وكنا قاعدين في أوضة وصالة والحمام جوه المطبخ".

وروى حمو بيكا تفاصل عن أيام الشقاء التى عاشها قبل الشهرة، قائلا: "أبويا على باب الله بيسافر ويتغرب ويشقى علشان اللقمة اللي بناكلها بالحلال وأنا ما دخلتش مدرسة وما اتعلمتش لكن اشتغلت وشقيت واتغربت كتير وأنا صغير".

وتابع: "أنا عمري ما مديت إيدي على حاجة مش بتاعتي وكنت بقول يا رب أكرمني وأبقى حاجة لأهلي، وإن ربنا لما بيكرم بني آدم ويرزقه مش من فراغ، وأنا متولدتش في بقي معلقة دهب وكنت بحب الخير لكل الناس ولحد الوقت ده".