تامر حسني يكشف معاناته قبل الشهرة: اشتغلت عامل بنزينة وفي الفاعل

مقالات ذات صلة

خجل ابنة تامر حسني يلفت الأنظار.. ووالدها يكشف السر

تامر حسني يكشف سراً حول ابنته الثانية.. وهذه الشائعة الأكثر إزعاجاً له

أحمد صيام يكشف معاناته مع السرطان.. ضيعت صحتي بالسجائر

قام الفنان المصري تامر حسني بتوجيه رسالة إلى جمهوره، شجعهم فيها على عدم الاستسلام للإحباط واليأس، كاشفاً من خلالها معاناته في بداية حياته، وعمله في مهن متواضعة، من أجل تحقيق حلمه.

تامر حسني يوجه رسالة للمحبطين واليائسين ويكشف معاناته في بداية حياته

وجاء ذلك بعد أن استجاب متابعي تامر حسني لرسالته السابقة إليهم، والتي دعاهم فيها للتواصل معه، وطرح المشاكل التي تواجههم، بحيث يناقشها معهم من واقع خبرته.

وكتب الفنان المصري عبر حسابه على موقع إنستغرام: "قرأت معظم التعليقات على قد ما قدرت على آخر بوست ليا اللي فوق دا، وفهمت أكتر حاجتين من تعليقاتهم عاملين احباط لمعظمكم: 1- اليأس من النجاح، 2- إحباط المقربين، وبعضكم واصل لفقدان الأمل والشغف، وبعضكم فاقد الامل في الحياة نفسها."

وتابع قائلاً: "هطلب طلب منكم قبل أي شيء افتكروا معاناتي في بدايتي، و ظروفي الصعبة من غير أب، ومن غير أي فلوس، وبنزل أشتغل في الشوارع، من عامل بنزينة لسوبر ماركت لفاعل، يعني اللي بيبنوا العمارات بطلع طوب وأسمنت، عشان أرجع بيتي لأمي الغلبانة بأي خمسة جنيه، بالإضافة لمرتب النادي لما كنت بلعب كورة، كان مرتبي 22 جنيه في الشهر، منهم بقى تحويشة المية والكهربا، وعمليات أخويا عشان كان عيان لفترة كبيرة."

وأشار حسني إلى أنه: "كنت بعمل المستحيل فعلاً عشان أمي وأخويا، وعشان أوصل لهدفي.. كان جوايا سعي دائم لطريقين: الكورة والغناء، وبقول دا عشان ناس كتير عايز أنصحها بالخطة البديلة، عشان لو الحلم مجاش يكون في غيره، زي ما أنا كان نفسي أبقى لاعب كورة، والكورة مش ليا، والأنديه كلها مشوني رغم تفوقي."

وأكمل بقوله: "كنت بسأل نفسي ليه الأبواب كلها بتتقفل في وشي؟ أتاريها بتتقفل عشان توجهني لمسار آخر، ولما آمنت بكدة، فهمت قدام إن ربنا كان شايلي الأحسن ليا، بس ساعتها مكنتش فاهم."

ونصح تامر حسني الشباب، قائلاً: "واللي بيسأل نفسه دلوقتي يعني أنا أكمل في حلمي ولا أشوف حلم تاني، هقوله دايماً أطلب من ربنا يساعدك، هتلاقي علامات بتجيلك، بس الشاطر اللي يفهمها.. علامات هتأكدلك تكمل أو لا، بس اجتهد واتعب، عشان المجهود دا ليه كرم متحوشلك في مجالك التاني، فاوعى تقول تعبت عالفاضي."

وأردف بقوله: "وبالنسبة للمحبطين، هيفضلوا موجودين، انت اللي بتسمعلهم، وانت اللي بتسمح إنك تتأثر بيهم.. امنع دا فوراً، متبقاش السبب في أذية نفسك، متتشدش غير لكل جميل  لكل إيجابي، هتلاقي كل الحلو بيجيلك، ومتعملش العكس عشان هيجيلك برضه."

وأكد الفنان الشهير على أن: "عشان كدا بقولك أنت السبب، دايماً قول يارب، واجتهد وافهم إن الراحة المطلقة في الجنه بس، وإحنا على الأرض، وربنا قال إنه خلقنا في كبد، يعني شقاء، عشان يكون عندنا تحدي نكسبه ولازم نكسبه، عشان كتير قبلينا كانت ظروفهم إصعب ووصلوا، يبقى الموضوع فينا."

وختم بقوله: "متبقاش أكبر عدو لنفسك، أنت السبب، خد قرار صارم فوراً في التغير والنهوض و النجاح، والله هتوصل.. متسمعش غير لقلبك، وسلم قلبك للي خلقه، وتوكل على الله."