بعد طلاقها بـ6 أشهر.. البلوجر أحلام عادل تعلن خطبتها وتتصدر التريند
كانت أحلام عادل أعلنت في يوليو 2023 الماضي انفصالها رسمياً عن زوجها الأول
تصدرت البلوجر أحلام عادل التريند على مواقع التواصل الاجتماعي ومحركات البحث، بعد أن أعلنت خطوبتها من صديقها البلوجر محمد أسامة.
خطوبة أحلام عادل
وفاجأت أحلام عادل متابعيها بنشر صور وفيديوهات لها مع خطيبها محمد أسامة، من عرض الزواج ويظهر الثنائي وهما يتواجدان في إحدى المناطق بالقاهرة ويتقدم محمد أسامة إليها بباقة ورد وخاتم الخطوبة.
فيديو ذات صلة
This browser does not support the video element.
وعلقت أحلام عادل على الصور التي جمعتها مع خطيبها قائلة: "انا مش مصدقة ولا عارفة ولا فاهمة مين دا، سبحان الله النصيب غلاب وربنا دايماً شايلنا الأحسن لينا، ربنا عالم قد ايه أحلام نفسها تعيش مطمئنة وفي أمان جمب شخص يفهمها ويحتويها ويحترمها".
وتابعت قائلة: "الحمد لله، طول الوقت كنا بنشتغل سوا ونروح ونيجي وكومنتات انتوا لايقين ع بعض ومحدش فينا ركز معاها وفعلا بنبعد وسبحان الله بنلاقي حاجة تجمعنا من تاني بس المرة دي واحنا سوا ومش اصحاب ومش بنصور فيديوهات ومش اي حاجة غير أننا مرتبطين".
وأضافت أحلام عادل قائلة: "محمد الشخص اللي فعلا اتمنيته من ربنا، أنا كنت جعانه حب واحترام وأمان، كان من أحلامي إني أصحابي وأهلي يشوفوني متكرمة ومبسوطة وانا جمب الشخص اللي بيرضي ربنا فيا، رجولته ليا مش عليا، شخص بيحب الحياة المستقرة البسيطة، شبهي في حاجات كتير".
خطوبة أحلام عادل ومحمد أسامة
من جانبه قال محمد أسامة عبر صفحته الرسمية على الإنستغرام معلقاً على ارتباطه من أحلام عادل: "دنيا ودت ناس وجابت وانتي ثابتة من البداية، في حاجات معينة كده لازم تنضج قبل ما تحصل عليها، لأنك لو أخدتها بدري هتضيع منك بدري".
وتابع قائلا: "أوقات كتير مابنفهمش حكمة ربنا من اللي بيحصلنا بس سبحان الله لطف ربنا دايما هو اللي سابق وحاكم ، بمرور الوقت اكتشفت أنها مش مجرد كيميا في الفيديوهات وبس لا دي أكتر روح تشبهك وأنت بتدور عليها ومش واخد بالك".
وأضاف محمد أسامة: "ترتيبات ربنا دايما جايبالنا الخير، روحنا وجينا وروحنا وجينا ودايما سبحان الله الطريق بيجمعنا سوا تاني ، بس المرة دي واحنا بشكل مختلف نتمنا من ربنا يباركلنا فيه طول العمر ويتمم لنا على خير".
طلاق أحلام عادل
وكانت أحلام عادل أعلنت في يوليو 2023 الماضي انفصالها رسمياً عن زوجها الأول ووالد ابنها مصمم الأزياء أحمد العجمي.
وكتب مصمم الأزياء أحمد العجمي عبر صفحته الرسمية على الفيس بوك خبر انفصاله قائلا: "قدر الله وما شاء فعل تم الانفصال رسمياً أنا وأم ابني، يشهد ربنا إني مشفتش منها غير كل خير، وسبب الانفصال عدم تفاهم ليها مني كل الاحترام والتقدير".