"بعد رسالتها بالعبرية".. بسمة وهبة: الفيديو بتاعي كسر عزيمة نتنياهو

مقالات ذات صلة

بسمة وهبة: العرافة آخر موسم وقصدت استفز شيرين رضا

بسمة وهبة: سافرت لندن في رحلة علاج مش فسحة وبلاش تنبروا عليه

بسمة وهبة: مش أنا سبب طلاق حسن شاكوش وشهادتي تبرئ زوجته (فيديو)

قالت الإعلامية بسمة وهبة إنه تم "فبركة" الفيديو الخاص بها بتقنيات الذكاء الاصطناعي، معتبرة أن هذا دليل على تأثير رسالتها بالعبرية.

وقالت بسمة وهبة في برنامجها "90 دقيقة" المذاع على قناة "المحور": "دي كانت رسالتي للشعب الإسرائيلي ومعروف مغزاها ايه ، سيبكوا من العبري المكسر بتاعي، واضح إن الفيديو بتاعي عمل تأثير في إسرائيل وكنت بقول للشعب الإسرائيلي إن رئيسكم مش مهتم بيكم".

وتابعت "بسمة" حديثها قائلة: "واضح إن في انقسام جوه الجيش الإسرائيلي خلى نتنياهو متوتر إن مذيعة مصرية عملت فيديو يتيم باللغة العبرية المكسرة بس المذيعة دي كسرت عزيمتك ووترتك وقلقتك سبحان الله يوضع سره في أضعف خلقه، حاولت إني اعمل حاجة أفيد بيها فلسطين".

وعرضت الإعلامية المصرية بسمة وهبة مقطع الفيديو المبرك لها وقالت: "هل أنا الشخصية اللي في الشاشة دي؟، يرضيكم كده؟، عاوزة أستحلفكم بالله، هل دي لغتي؟، مش أنا بتكلم عبري مكسر ومش عاجبكم، حد شاف بقي؟، دا مش بقي، لكنه صوتي المفبرك بتقنيات الذكاء الاصطناعي".

رسالة بسمة وهبة باللغة العبرية

كانت الإعلامية بسمة وهبة تصدرت محركات البحث الفترة الماضية، بعدما وجهت رسالة باللغة العربية للشعب الإسرائيلي. وبعدها شن البعض هجوما كبيراً عليها على منصات التواصل الاجتماعي بسبب لغتها العبرية التي وصفت بالضعيفة.

وردت بسمة وهبة على الانتقادات في برنامج "90 دقيقة"، وقالت: "في ناس مش عاجبها لغتي في العبري، أنا قلت النهارده ريح الزبون، أنا قررت أتكلم بالعربي عشان محدش يضايق، وهجيب حد يترجم الكلام بالعبري".

وتابعت الإعلامية المصرية: "انتوا حساسين أوي من حتة بتاعة طلاقة اللسان في العبري، لو إنجليزي أو فرنساوي نص نص ماشي، إنما العبري، لأ، لازم اللي يتكلم عبري يكون بيتقنه، وتكون راحت عاشت في إسرائيل شوية فأتقنت العبري" أو عملت فيلم قعدت ست أشهر زي مهمة في تل أبيب تتعلم العبري زي الفنانين الجمال ما علموا".

وتابعت بسمة وهبة: "لما تكون في وسط مذبحة فيها أخوننا وأسرنا وأهلنا الفلسطينيين وكلمتين عاوزين يتقالوا بالعبري قررت أقولهم وأنا في العربية وتحسب لي هذه المحاولة".

وأكدت الإعلامية المصرية أنها كانت تتعرض لحملة من حسابات مزيفة على مواقع التواصل الاجتماعي وقالت: "الغريب أني لما فتحت أكونتات الناس اللي بتهاجمني لاقيتها أكونتات فيك معمولة إذا دي حملة ممنهجة من مين وليه مش فارق معايا، بس الأهم إن الرسالة بتاعتي وصلت لإسرائيل واللي مش عاجبه يعمل زي واللي غيران مننا يعمل زينا".

وشددت بسمة وهبة على عدم ندمها على رسالتها باللغة العبرية رغم الانتقادات، وقالت: "والله ما ندمت لحظة أني عملت كده، والناس اللي بتتريق في منتهى السخافة ولا تسوى شيئاً لأنهم سابوا الحدث والموضوع وقعدوا يركزوا في حاجة مالهاش علاقة بالمشكلة والحدث اللي إحنا فيه، وأنا هعمل شغلي وأنجح أكتر وهستمر اكتر بإذن الله تعالى".