بعد إعلانها وفاة توأميها.. من هي الإعلامية سالي عبد السلام؟

مقالات ذات صلة

سالي عبد السلام عن فقدان توأمها: حلم وما اتحققش

وفاة إعلامي مصري كبير

وفاة الإعلامي البحريني سعيد الحمد

تصدرت الإعلامية سالي عبد السلام التريند على مواقع التواصل الاجتماعي ومحركات البحث، بعد إعلانها وفاة توأميها قبل ولادتهما، بعد محاولات عامين للإنجاب. 

ليتصدر سؤال بين نشطاء مواقع التواصل الاجتماعي من هي الإعلامية سالي عبد السلام؟

من هي الإعلامية سالي عبد السلام؟

الإعلامية سالي عبد السلام متزوجة منذ عام 2022 من الضابط المهندس المقدم مؤمن الباز.

ولدت  في 24 أكتوبر عام 1985، وهي إعلامية وممثلة مصرية.

تخرجت من قسم إدارة الأعمال بالجامعة الكندية، بالإضافة إلى حصولها على دبلوم في التليفزيون والإعلام من الجامعة الأمريكية.

بدأت مشوارها في الإعلام كمذيعة في الراديو، وكان من أشهر برامجها برنامج "خلى بكرة أحلى"، وفازت عنه بجائزة أفضل مذيعة عام 2012.

كما حصلت على لقب أفضل مذيعة للمرة الثانية من الدير جيست عام 2015، عن برنامج "طلقة على الطريق".

تقدم سالي عبد السلام برنامج "قصة حقيقة" على القناة الأولي المصرية.

وفاة توأم الإعلامية سالي عبد السلام

وأعلنت الإعلامية سالي عبد السلام عبر حسابها الرسمي على إنستغرام وفيسبوك، عن وفاة توأميها قبل ولادتهم بعد محاولاتها لسنوات للإنجاب، الأمر الذي أثار معها حالة من التعاطف بين نشطاء مواقع التواصل الاجتماعي.

وقالت سالي عبد السلام: "قدر الله وما شاء فعل، من كام يوم، وده بعد سنتين انتظار التوأم اللي كان نفسي فيهم أوي يا رب، سنتين صبر وأنت مفيش قدامك غير الصبر زي أي رزق، والحمد لله إن اختباري كان في الصبر وبس مش أكتر، وكنت طالباها تيجي من عند ربنا خالص ومن غير تدخل دكاترة".

وتابعت قائلة ردا على الشائعات التي طالتها عن رفضها للإنجاب قائلة: "الحمد لله على نعمة الأخذ بعد العطاء، يا رب فقدت أغلى ما ليَّ، والذي كان هيكون ليَّ، الحمد لله، قدري الحمد لله، أنا بكتب الكلام ده عشان يمكن حد يتعلم!! كل حد قال لي، وقال عليَّ مش عايزة تخلف عشان خايفة على جسمها وشغلها.. وكانت أوحش حاجة سمعتها في حياتي (وهم لا يعلمون شيئًا)".

واستكملت سالي عبد السلام: "عشان كل حد يضغط على اللي قدامه وفاكر إنه حقه وده لا يحق له عشان المفروض إنه قريب أو معتبر نفسه كده، ومش من أهله أصلًا، ولا يحق له، ويحسسهم إن وراهم تارجت يا إما هيكون منبوذاً منهم وهنسود عيشتك بسؤالنا كل شهر، ونضغط عليك مع إنهم مش هيشيلوا أصلًا، وما حدش هيشيل غيرك.. (وهم لا يعلمون شيئًا)".

وأضافت: "أوع تقولين إنك حامل وخافي من العين وأي كلام في الموضوع ده بالذات!!! أهه ما قُلتش وبرضه ما حصلش ومع احترامي ليهم العرسة بتخلف ده مش إنجاز... (وهم لا يعلمون شيئًا).

وتابعت سالي عبد السلام رسالتها: "عشان كل ست أوعى تبقى بـ ١٠٠ ست وتشيلي مسؤولية كل حاجة لوحدك "لوحدك".. الست الجدعة بجد ما بتاخدش حاجة.. الست الجدعة ما حدش بيساعدها، وكله بيرمي عليها وكمان لما ما نعرفش نبقى زيها نعطلها أو نقلل منها وبمعنى أصح نبقى سبباً في سقوط كل حاجة فيها مش أطفالها بس! يا ريتني قُلت ما بعرفش أو مش هقدر عشان ما أوصلش لكدة! (وهم لا يعلمون شيئًا).

واختتمت قائلة: "كلنا تعبنا وبنتعب ومحدش بيحس ومحدش طلب منك تحس بس الرحمة... الرحمة.. كل اللي كتبت عنهم بيني وبينكم الله.. إنا لله وإنا إليه راجعون.. ادعوا لي كتير.. راضية والحمد لله.. بس بنهار وأنا بصلي، ومش بطلب غير الثبات من ربنا.. بس ليَّ بيتين في الجنة.. اخترت الآخرة والأبقى يا الله".