ابنة رانيا يوسف تشن هجوما على والدها المنتج المعروف: مش عايزة منه حاجة

مقالات ذات صلة

محمود سعد: مش عايز الناس تفتكرني لما أموت علشان معملتش حاجة

سبوتيفاي تشن هجوماً حاداً على آبل

والدة مبابي تشن هجوماً عنيفاً على إدارة باريس

تصدر اسم نانسي محمد مختار ابنة الفنانة رانيا يوسف محركات البحث بعد هجومها على والدها، وتأكيدها على رفضها أي مساعدات منه على الإطلاق.

وقالت "نانسي" ابنة المنتج محمد مختار والفنانة رانيا يوسف، في تصريحات تلفزيونية لها: "أنا مش عايزة من محمد مختار حاجة، مش عايزين منه أي حاجة، حتى لو فيلم أو مهرجان أو أي حاجة، أنا كنانسي مش عايزة منه أي حاجة".

وأكدت "نانسي" أنها تربطها بوالدتها علاقة قوية قائلة: "هي أطيب إنسانة في حياتي مش بقول كده عشان هي مامتي لكن عشان هي صاحبتي وأختي وكل حاجة في حياتي، وبقالي معاها 20 سنة في الحياة كل يوم".

وأوضحت أنها تحلم أن تصبح مصممة أزياء ولكن هذا لا يمنع إمكانية خوض تجربة التمثيل مع والدتها إذا وجدت دور جيداً، وأعجبت بالعمل.

وعن رأي "نانسي" في الانتقادات التي توجه لوالدتها بسبب ملابسها، قالت: "محدش له عندها حاجة تعمل اللي عايزاه، اللي مش عاجبه ميحبناش وميتابعناش، الدنيا بسيطة مفيهاش عُقد، هي تلبس اللي عايزاه وتعمل اللي عايزاه"، مشيرا لكونها هي التي تساعد والدتها في اللوك الذي تظهر به.

ونفت نانسي محمد مختار شعورها بالضيق من الانتقادات التي وجهت لها بعد ارتداء فستان البطانة الذي أثار الجدل وقالت: "مش بتضايق خالص وشكلي حلو والفستان اللي لبسته من مامي شكله حلو على الريد كاربت ومش ببص للانتقادات".

رانيا يوسف ومحمد مختار

من جانبها قالت الفنانة رانيا يوسف، إن مسلسل تحت الوصاية الذي قدمته الفنانة منى زكي، لفت الأنظار لكثير من الثغرات في قانون الأحوال الشخصية، وتتوقع أن يتم تحسينه بصورة أفضل.

وتابعت الفنانة المصرية: "حاجات كتير لازم تتغير في قانون الأحوال الشخصية، لأن إحنا لازم نعمل تحديث، البشر بيعملوا تحديث وخاصة الرجالة لما بيفتروا على الستات بيعملوا تحديث افتراء، وإحنا كمان لازم نعمل تحديث مساواة علشان نقدر نوزن الحياة".

وأكد الفنانة المصرية أنها لا تزال تعاني من خلافات مع زوجها السابق ووالد بناتها المنتج محمد مختار وقالت: "خلافاتي مع طليقي محمد مختار أبو بناتي متحسنتش، ولسه زي ما هي وفيه تقصير منه في الوقت والفلوس".

وتابعت: "لما بيشوفوني أني امرأة قوية ومستقلة وجامدة وأقدر أتحمل بيرموا الحمل عليه، وإحنا كستات لما بنلاقي الطرف الآخر بيقصر ناحية واجباته إحنا بنبقى الستات والرجالة في نفس الوقت، وهي دي المشكلة وبعدين يقولوا الستات استرجلت ليه لأنه للأسف الرجالة خابت وهي دي المشكلة".

آخر أعمال رانيا يوسف

تشارك الفنانة رانيا يوسف في فيلم ورد وريحان مع النجوم، أحمد الفيشاوي، محسن بن منصور، عمرو عبد العزيز، وأسما سليمان، والمخرج محمد نبيل وهو المؤلف أيضا، وتنتظر طرح الفيلم في دور العرض.

ويدور فكرة الفيلم حول "زين" وهو شخص يمارس الكذب لكي يستطيع القيام بجرائمه ولكن جزاءه في نهاية الفيلم يكون من جنس عمله.