منى زكي: لسه قلبي بيدق لما بشوف أحمد حلمي

تحدثت الفنانة منى زكي عن علاقتها بزوجها الفنان أحمد حلمي وقصة حبهم المستمرة حتى الآن رغم مرور سنوات عديدة، وطريقة تربيتها لأولادها.

علاقة منى زكي وأحمد حلمي

وأكدت منى زكي خلال حوارها مع الإعلامي عمرو أديب في برنامج "بيج تايم بودكاست" المذاع عبر قناة MBC، أنها تحاول تظهر حبها لزوجها أحمد حلمي طوال الوقت حتى يتعلم أطفالها الحب.

وأضافت قائلة: "كل ما نشوف بعض لو خارجين ورجعنا بنبوس بعض علشان نعلم ولادنا يعملوا كده، وأحمد والله العظيم ساعات أشوفه تحصل عندي ضربات قلب، هو أحسن راجل شوفته بعد بابا".

وعن الانتقادات التى توجه لها بسبب أعمالها الفنية، كشفت منى زكي عن رد فعل زوجها أحمد حلمي قائلة: "دايما لما الناس تشتمني يسألني تعرفيهم، ناس لا يعرفوكي ولا تعرفيهم ليه يأثرون فيكي، وهو أكبر داعم مهما كان الموقف كبيراً، لأنه عارف نيتي وعارف إيه معنى الفن".

وتابعت قائلة: "في تقييم الشغل لا يوجد حساسية ولكن مش بتقول رأيك بطريقة سخيفة، بتقوله بطريقة لطيفة لأنك بتحب الشخص ده وخائف عليه عايز تقول له الحقيقة من غير ما تكون قاسي، في بينا صراحة كبيرة في الشغل، أنا صريحة أكثر منه في الشغل وهو لا يقول ليا كنتي خطيرة وفي حاجات بتكون مش حلوة وهو مش شايفيها أصلا مش حلوة".

وردا على سؤال من لديه الكلمة في المنزل هي أو زوجها، قالت منى زكي: "على حسب في ايه شؤون البيت، أنا الحاجات المتعلقة بالأكل وهنودي الأولاد فين في الإجازة، لكن الحاجات الكبيرة هو الكلمة بتاعته".

وتحدثت منى زكي عن سبب رفضها تلقي الهدايا من زوجها الفنان أحمد زكي قائلة: "الهدايا لا كبرنا عليها بعد السنة الخامسة من الجواز بطلنا احنا الاثنين نجيب لبعض أنا علشان يشتغل من أنا صغيرة مش متعودة حد يجيب ليا حاجة".

وتابعت قائلة: "حتى من والدي ووالدتي مش مستنيه حاجة من حد، وأحمد أبسط حاجة جبها ليا في بداية مشواره هي أحسن هدية جاتلي".

وأضافت منى زكي: "دلوقتي في حياتنا وجودي معايا بالدنيا وما فيها هو مقوم البيت وبيعمل أحسن حاجة للأولاد انا مش عايزة حاجة وعندي قناعة انا معنديش نفس امسك أحدث حاجة ساعات آه بجيبها بس كل فترة أجيب فستاني غالي أو شنطة مش لازم على طول".

أبناء منى زكي

كما تطرقت منى زكي خلال حديثها حول طريقة تربيتها لأبنائها خلال حوارها مع الإعلامي عمرو أديب.

وقالت منى زكي: "ابنتي لي لي دلوقتي في الجامعة تدرس في بريطانيا بسافر لها كل فترة اعمل الأكل ليها لأصحابها، وهي موهوبة في الرسم وبتحبه زي بابها".

وعن إنجابها في سن الأربعين طفلين قالت: "فكرة الإنجاب بعد الأربعين صعبة أوي، مش عارفة تعيش ليهم قد ايه، بتبقي نفسك تديهم كل حاجة وأنك تحاول تبسطهم ده مجهود رهيب في الأربعينات مفيش نفس الطاقة بس ده مجهود كبير".

وعن طريقة تربيتها لأولادها قالت: "الولد الأولاني مهذب كدا وابن ناس تحسه هشام سليم في ليالي الحلمية، الولد الثاني صعب ومعرفتش أتعامل معاه ولجأت للدكتور معالج عشان يفهمني أتعامل معاه إزاي، والحمد لله عرفت، والآيباد والتليفون ساعة واحدة في الأسبوع فقط".