سالي عبد السلام عن فقدان توأمها: "حلم وما اتحققش"

حالة من الحزن سيطرت على مواقع التواصل الاجتماعي في الأيام الماضية، بعد أن أعلنت الإعلامية المصرية سالي عبد السلام عن فقدان توأميها قبل إنجابها بعد محاولات عامين.

وكشفت سالي عبد السلام لأول مرة في تصريحات إعلامية لموقع ET بالعربي تفاصيل حول إعلانها فقدان توأمها.

سالي عبد السالي: الحمد لله أنني من المحبوبين 

أعربت سالي عن امتنانها العميق للجمهور قائلة: "أنا بشكركم جدا أنكم كنتم عايزين تطمنوا عليا.. على راسي.. الحمد لله أنني من المحبوبين شوية".

واعترفت سالي عبد السلام بأنها ما زالت مندهشة من حجم الدعم، مشيرة إلى عدم قدرتها على الرد على جميع الرسائل والمكالمات والتعليقات.

التسليم والإيمان

وقالت سالي عبد السلام عن فقدان توأمها: "الحمد لله.. قدر الله وما شاء فعل.. حلم وما اتحققش.. وربنا يجبرني ويعوضني"، وأضافت بتفاؤل: "أنا رضيت أن يكون لي ببيتين في الجنة.. يا رب يكتبهم لي ويا رب يبقوا خيراً.. الحمد لله".

كما وجهت سالي رسالة قوية حول احترام الخصوصية الشخصية، قائلة: "بطلوا تضغطوا على اللي حواليكم.. أنتم ما تعرفوش الناس تعبانة قد إيه".

 وشددت على رفضها للتدخل في الشؤون الشخصية: "مش لازم كل شهر نسأل انتي حامل ولا لأ.. مش لازم حد يتدخل في حياتنا".

أضافت قائلة: "أنا شفت كتير واتضايقت كتير.. مع إني بعرف أرد كويس جدًا بس أحيانًا بيبقى الصمت هو الرد".

عبرت سالي عن تضامنها مع النساء اللواتي يواجهن الصعوبات وحدهن، قائلة: "الست الجدعة فعلًا ما حدش بيساعدها حتى أقرب الناس لها.. حتى لو بتسقط بتبقى لوحدها".

اختتمت سالي حديثها بالشكر والدعاء: "بشكركم جدًا.. وادعولي كتير أنا محتاجة الدعاء".

إجهاض توأم الإعلامية سالي عبد السلام 

وكانت الإعلامية سالي عبدالسلام أعلنت عبر حسابها على إنستجرام عن فقدان توأمها بعد انتظار دام سنتين.

 وكتبت سالي: "قدر الله وما شاء فعل من كام يوماً.. وده بعد سنتين انتظار التوأم اللي كان نفسي فيهم أوي يا رب.. سنتين صبر وأنت مفيش قدامك غير الصبر زي أي رزق والحمد لله أن اختبارياً كان في الصبر وبس مش أكتر، وكنت طالباها تيجي من عند ربنا خالص ومن غير تدخل دكاترة".

وأعربت سالي عن حزنها الشديد لفقدان التوأم الذي كانت تنتظره بفارغ الصبر، وأضافت: "الحمد لله على نعمة الأخذ بعد العطاء.. يا رب فقدت أغلى ما ليا.. واللي كان هيكون ليا.. الحمد لله.. قدري الحمد لله". 

وتابعت: "أنا بكتب الكلام ده عشان يمكن حد يتعلم، كل حد قالي، وقال عليا مش عايزة تخلف عشان خايفة على جسمها وشغلها.. وكانت أوحش حاجة سمعتها في حياتي (وهم لا يعلمون شيئا)، عشان كل حد يضغط على اللي قدامه وفاكر إنه حقه وده لا يحق له عشان المفروض أنه قريب أو معتبر نفسه كده ومش من أهله أصلا، ولا يحق له، ويحسسهم أن وراهم تارجت يا إما يكون منبوذاً منهم وهنسود عيشتك بسؤالنا كل شهر، ونضغط عليك مع أنهم مش هيشيلوا أصلا ومحدش هيشيل غيرك(وهم لا يعلمون شيئا)".

وعن الضغوط الاجتماعية والنفسية التي تعرضت لها،  وقالت: "أوعي تقولي أنك حامل وخافي من العين وأي كلام في الموضوع ده بالذات! أهو مقولتش وبرضوا محصلش ومع احترامي ليهم العرسة بتخلف ده مش إنجاز... (وهم لا يعلمون شيئا)".

أوضحت سالي في رسالتها أن كل امرأة تتحمل مسؤوليات كبيرة بمفردها، وأنه يجب علينا التحلي بالرحمة والاحترام تجاه النساء اللواتي يواجهن تحديات الحياة اليومية.

وأضافت: "عشان كل ست أوعي تبقي بـ ١٠٠ ست وتشيلي مسؤولية كل حاجة لوحدك (لوحدك).. الست الجدعة بجد مبتاخدش حاجة.. الست الجدعة محدش بيساعدها، وكله بيرمي عليها وكمان لما منعرفش نبقى زيها نعطلها أو نقلل منها وبمعنى أصح نبقى سبباً في سقوط كل حاجة فيها مش أطفالها بس.. يا ريتني قولت مبعرفش أو مش هقدر عشان موصلش لكدة (وهم لا يعلمون شيئا)".

اختتمت سالي حديثها بالدعاء، وطلبت من متابعيها الدعاء لها بالصبر والثبات، وأعربت عن رضاها وقبولها للأمر الواقع بقولها: "كلنا تعبنا وبنتعب ومحدش بيحس ومحدش طلب منك تحس، بس الرحمة.. الرحمة، كل اللي كتبت عنهم بيني وبينكم الله.. إنا لله وإنا إليه راجعون.. أدعو لي كتير.. راضية والحمد لله، بس بنهار وأنا بصلي، ومش بطلب غير الثبات من ربنا، بس ليا بيتين في الجنة.. اخترت الآخرة والأبقى يا الله".

 

 

 

 

View this post on Instagram

 

 

 

 

 

 

 

 

 

 

 

A post shared by Sally Abdalsalam (@sallyabdalsalam)