تامر حسني يوجه حديث مؤثر لجماهيره عن بر الوالدين

قرر النجم المصري تامر حسني أن يوجه نصيحة مهمة لجمهوره عبر مواقع التواصل الاجتماعي وخاصة حسابه بإنستغرام وذلك بالإشارة إلى بر الوالدين.

وقال تامر حسني إن فقدان الوالدين يكون نقطة تحول كبيرة في حياة الإنسان وأن بعد رحيل الوالدين سيتمنى الشخص أن يتحدث معهم ولو لمرة واحدة ولكن سيكون الوقت قد مضى.

وأردف تامر حسني في تعليقه على هذا الأمر: "ناس كتير بيتمنوا مكالمة من أي حد عزيز مش موجود، ياريت نحب اهالينا ونهتم بيهم باكبر قدر ممكن في حياتنا، هما السبب في وجودنا، هما اللي ياما حرموا نفسهم من حجات كتير عشانا".

واستكمل تامر حسني حديثه قائلا "ادعوا للّي مش معانا منهم واحضنوا اللي معانا منهم ونهتم بيهم ونعوض صبرهم وتعبهم معانا، من وإحنا صغيرين بافعال جميله ونجاح وكلام يطيب خاطرهم ويطمنهم ،ارحموهم عشان أولادكم لما يكبروا يرحموكم".

واعتاد تامر حسني على الحديث مع جماهيره على مواقع التواصل الاجتماعي حول بعض الأمور المتعلقة بحياته الشخصية أو الحديث عن أمور الحياة بصورة عامة. 

وكان تامر حسني قد وجه رسالة إلى جمهوره منذ فترة، شجعهم فيها على عدم الاستسلام للإحباط واليأس، كاشفاً من خلالها معاناته في بداية حياته، وعمله في مهن متواضعة، من أجل تحقيق حلمه.

وجاء ذلك بعد أن استجاب متابعي تامر حسني لرسالته السابقة إليهم، والتي دعاهم فيها للتواصل معه، وطرح المشاكل التي تواجههم، بحيث يناقشها معهم من واقع خبرته.

وكتب الفنان المصري عبر حسابه على موقع إنستغرام: "قرأت معظم التعليقات على قد ما قدرت على آخر بوست ليا اللي فوق دا، وفهمت أكتر حاجتين من تعليقاتهم عاملين احباط لمعظمكم: 1- اليأس من النجاح، 2- إحباط المقربين، وبعضكم واصل لفقدان الأمل والشغف، وبعضكم فاقد الامل في الحياة نفسها."

وتابع قائلاً: "هطلب طلب منكم قبل أي شيء افتكروا معاناتي في بدايتي، و ظروفي الصعبة من غير أب، ومن غير أي فلوس، وبنزل أشتغل في الشوارع، من عامل بنزينة لسوبر ماركت لفاعل، يعني اللي بيبنوا العمارات بطلع طوب وأسمنت، عشان أرجع بيتي لأمي الغلبانة بأي خمسة جنيه، بالإضافة لمرتب النادي لما كنت بلعب كورة، كان مرتبي 22 جنيه في الشهر، منهم بقى تحويشة المية والكهربا، وعمليات أخويا عشان كان عيان لفترة كبيرة."

وأشار حسني إلى أنه: "كنت بعمل المستحيل فعلاً عشان أمي وأخويا، وعشان أوصل لهدفي.. كان جوايا سعي دائم لطريقين: الكورة والغناء، وبقول دا عشان ناس كتير عايز أنصحها بالخطة البديلة، عشان لو الحلم مجاش يكون في غيره، زي ما أنا كان نفسي أبقى لاعب كورة، والكورة مش ليا، والأنديه كلها مشوني رغم تفوقي."

وأكمل بقوله: "كنت بسأل نفسي ليه الأبواب كلها بتتقفل في وشي؟ أتاريها بتتقفل عشان توجهني لمسار آخر، ولما آمنت بكدة، فهمت قدام إن ربنا كان شايلي الأحسن ليا، بس ساعتها مكنتش فاهم."